好喇…講返個團先，係大約09:30到等齊晒所有人就出發喇 ! 呢個團可以係羅湖或者皇崗口岸上車，所以我哋上車嘅時候到已經座咗差不多半車人係到。出發就要座差不多成兩個鐘嘅車程，第一個景點就係去食嘢喇，去到嘅時候就差不多成1點鐘。究竟呢個美食之旅，以美食為名嘅旅行團Ｄ嘢食係咪真係咁好味呢 ? 未落車前都有Ｄ期待，因為個導遊係車上面都介紹過下呢一餐係食Ｄ咩，係食燒鵝，導遊小姐介紹有兩種燒鵝，一種係叫平湖燒鵝，另一種….oh…sorry 唔記得叫XX燒鵝。分別係平湖燒鵝係外地人食，XX燒鵝係本地人食。好啦，講下間酒樓嘅環境，都係一般內地酒家咁，無客人嘅時候係咩都唔開嘅，個地下就唔知點解會濕淋淋咁~~~入到去我哋一圍大約10個人到喇 ! 第一到餸就係燒鵝…點知得1/4隻，嘩~~~主力係推介食燒鵝居然得咁少份量，一人得一至兩件到，不過味道就一般啦，個人認為深井個Ｄ好食Ｄ ! 其他餸重有一碟雞同埋魚其他菜總數有九個餸加一個湯，白飯就任你裝 ! 第一餐就覺得麻麻哋，因為覺得係美食團的話，應該係會好好味，呢一餐可以話食得飽囉 !
食午飯嘅地方
平湖燒鵝，份量好少
講返個團嘅資料先，呢個團係由一間叫達美旅遊攪嘅，佢哋嘅團差不多全部都叫美食之旅~~~未出發前，我朋友一Ｄ資料都無俾我，我係到諗究竟係咪淨係食架咋~~但係會去邊到食呢~~~Sorry…唔知 !! 於是就上網搵下資料喇…嘩~~一搵就出現好多人投訴貨不對版，又話唔夠食之餘似類嘅嘢，間唔中見到有人留言話OK喎~~~
好啦~~~到咗星期六就約咗係皇崗口岸社會停車場到等 ! 去到嘅時間，有好多人係到，心諗莫非全部都係參加呢個團，唔係呀嗎~~咁誇張 ! 原來當日有成一百團美食之旅嘅團，真係好誇張，不過就唔係全部去同一個地點 !
人山人海咁~~~~勁 !
失驚無神又去個兩日一夜之美食之旅，呢個美食之旅，聽聞係坊間非常之出名 ! 今次係有個同事朋友扭去嘅，話好抵，幾百蚊就有嘢食，有4星酒店住，我係出發個日都未知要去邊~~~係星期五夜先知係邊到集合 ! 不過去完又發覺真係幾抵，唔怪得有Ｄ團友話參加咗呢個美食之旅幾次添呀 ! 呢個團叫純玩團，係唔會帶你去Ｄ買嘢嘅地方，純以食為主，中間會有Ｄ景點睇下嘢~~~都唔錯 !
今次去睇嘅花，不過已經開始凋謝啦…如果係盛開嘅時間真係好似禾花雀架~~嘻嘻，但係大家有無睇過禾花雀係咩樣呢 ?
好靚嘅化呀~~~
Ｄ錦鯉真係好多同好為食
呢一舊雲你哋話似咩呢 ?
金門大橋
奇幻逆緣….係香港改嘅中文戲名，原名係”The Curious Case of Benjamin Button”，係由原名英文小說改編而成。睇個戲名估到都係講一個人嘅一生，導演曾經拍過阿甘正傳….開頭睇呢套戲係因為睇到Ｄ影評講一個人一出生外表就係好似係來要死嘅人咁，然後俾親生父親拋棄來做個開始，被一個有愛心嘅女人收養咗…..
成套戲之後都有Ｄ同阿甘正傳咁講男主角由出世到離開…..雖然好似好簡單，但係鍾意幻想嘅人睇就會有另外一種味道……如果事情發生係你身上你會點呢…..
點解會睇咪就係覺得呢個構思好特別，外表係一個就快離世嘅人，但係內裡嘅思想完全係一個”小朋友”….當你外表係一個年青嘅小伙子嘅時候，但係你內裡係一個飽歷滄桑嘅人，你嘅感覺係點呢 ? 當你睇知道自己會越來越年青，照顧唔到自己嘅時候…你會點呢……睇返一Ｄ報章雜誌講英文小說個故事講個主角好慘，係一個悲劇收場 !!
呢一間餐廳，係個幾月之前見到佢已經裝修緊。見到佢廚窗入面放咗Ｄ用米做嘅Pizza，都幾得意喎…唔次好唔好食嘅呢….有次係 Lunch 時間想去試下點知 Lunch 時間好似無做生意咁 ! 終於係2008月12月31日晚試到…..叫咗一個米餅 Pizza 加一個意大利粉，試完之後就覺得。無咩咁特別，無傳統 Pizza 咁好食，而個意大利粉又唔係咁好味~~~~整體來講~~~試一次無下次 !!
係正WTC對面都幾多人流……但係可以頂幾耐呢 ?
米 Pizza…我去北海道都唔見嘅…..睇係好似好好食，食落就一般
意粉..真係煮得好普通 ! 我整嘅都好食過佢 !
資料篇
機票
其實買機票真係幾頭痕嘅事，因為去Ｄ Agent到買成日都要叫你等，有時去到最後先可以Confirm咁就會好麻煩，所以我通常買親嘅都係要即時可以Confirm到嘅機票，個Ｄ要等嘅通常都係一Ｄ團體票，要等Ｄ旅行社有位就放出來，無嘅…對唔住…無位喎 ! 係現今嘅年代重有幾間係網上面可以直接買機票嘅 Agent，不過我就無試過，好 ! 基本上我都係係Ｄ Agent同埋Ｄ旅行社機票部到問價，最後我係係國泰個網到買機票，因為同出面一樣，重要可以用信用咭找數!
Air New Zealand Bookings - Search for Flights
BookingBuddy - Super Cheap Flights - Compare Airline Ticket Prices
Specials - Domestic Flights - Auckland
租車篇
紐西蘭真係好多租車公司，價錢相差都幾大下，不過通常平個Ｄ都係Ｄ車齡比較大嘅車，所以要比較一下先可以租。以我為例，睇Ｄ資料同埋問過下人，其實係紐西蘭揸車可以用1300 -1800c .c.嘅車已經好足夠，開頭我係都想租架比較新淨Ｄ同埋係1800c.c.嘅車，話晒都想揸下唔同嘅車架嗎 ! 但係最後我都係租咗架車齡大嘅1800c.c.，一路上都無咩問題，非常之好 ! 兩架車嘅租金相差差不多成$200紐元，所以點解我會揀平個架呢…係因為我係網上面不斷咁睇Ｄ租車網，有一日俾我睇到佢哋做 Promotion ，我又問咗佢哋攞咗報價喎，有咗個記錄所以就可以用平嘅價錢租車啦 ! 我用咗大約$404紐元租咗成15日車，平均每日都係港幣$130咋~~~所以真係好抵 !
A2B Rentals LTD - New Zealand Car Hire & Rental Cars (New Zealand Car Hire)
Affordable Accommodation New Zealand TOP 10 Holiday Parks
Britz Campervan Hire & Car Rentals, Motorhomes and RVs in Australia and New Zealand
Car Hire Christchurch New Zealand, Car Hire NZ - Quick Quote
cheap car rental new zealand - roadtrip® rental cars auckland, christchurch
Christchurch New Zealand car rentals - Travel New Zealand Rentals, NZ car hire
Eazy Car Hire.com - Worldwide Car Hire
Holiday Parks Association of New Zealand
KEA Campers New Zealand Motorhome-Campervan Rentals
Maui Motorhome Rentals & Car Hire Australia Motorhomes, Campervans, RV & Car Rental
New Zealand car rental and NZ car hire - Go Rentals rental cars rent NZ new car
New Zealand Car Rentals,NZ Rental Cars and Auto Vehicle Hire- Ace Rental Cars New Zealand
New Zealand Rent A Car New Zealand Car Hire & Rental Cars Across NZ, Auto Rentals
Quick Quote New Zealand Car Rentals
Rent A Car with Avis car rental
Services for Holiday Accommodation Parks Assn of NZ Inc
揸車資料篇
AA New Zealand Driving Times & Distances Calculator
北島距離計算 North Island New Zealand - Travel Times and Distance Calculator
南島距離計算 South Island New Zealand - Travel Times and Distance Calculator
交通篇
Atomic Shuttles budget fares inter city service bus company New Zealand
New Zealand Bus Travel New Zealand Travel Pass Independent New Zealand Vacations
Official website for New Zealand train journeys – Tranz Scenic
住宿篇
係紐西蘭主要有幾種住宿可以選擇 : 1. Motel 2. Hotel (Inn & Lodge) 3. Hostel 4. Holidays Park
1,2 & 3 嘅最大分別就係 Motel & Hostal通常都可以煮嘢食，而 Hotel 就係無得煮嘢食。另外，Holidays Park 主要係俾Ｄ Campervan 用，有部份係有煮食設備提供 !
Farm Stay
New Zealand Bed and Breakfast Accommodation
Accommodation Listings New Zealand
Budget Motel Chain - Jasons New Zealand
Affordable Accommodation New Zealand TOP 10 Holiday Parks
New Zealand A to Z BBH (Budget Backpacker Hostel) Discount Card
Budget Backpacker Hostels New Zealand
Quality Hostel Accommodation - YHA New Zealand
Auckland City - YHA New Zealand
折扣優惠酒店, 世界性住宿及假期在 octopustravel.com
外幣對換篇
通常好多人都係去銀行到換外幣，但係有時銀行Ｄ對換率又唔係好好，所以大家可以去中環一間叫做百年找換店到換，個對換率都幾好 ! 不過呢一間找換店中午嘅時間好多人去換錢，大家可以打電話去訂定換咩貨幣，然後食Lunch嘅時候去攞就會免除咗排隊嘅痛苦 ! 但係其實如果你有外幣戶口的話，其實你可以係個種貨幣個滙率好嘅時候買返Ｄ想要嘅貨幣，但係係銀行到買就有一個限制，就係每次都係只可以攞一定嘅數量嘅貨幣出來，要分好多次先可以攞得晒出來
Berlin Company Exchange Limited
Hang Seng Rates - HKD Notes Exchange Rates
資訊篇
Regions Introduction - New Zealand
Taupo Bungy - New Zealand’s Highest WATER TOUCH Adventure Kia Ora Welcome
Rainbow Lodge Backpackers Retreat - Taupo, New Zealand
Treks Backpackers - Rotorua Backpackers Accommodation, Hostels Rotorua
Auckland, New Zealand - official tourism website from Tourism Auckland
Funky Green Voyager - meet backpackers from all around the world
Waiotapu Thermal Wonderland, New Zealands most colourful geothermal area.
Tongariro Alpine Crossing Ruapehu area tracks and walks
RotoruaNZ.com » Rotorua’s Official Website
Destination Lake Taupo - New Zealand
Auckland Airport - Flight Information - Duty free shopping - Airport guide
Day 15 – 10/11/2008
Parnell Inn@Auckland à Ewelme Cottage à Manukau City à Auckland International Airport à Hong Kong
今日係最後一日係紐西蘭，食完個自製早餐之後就 Check Out 去附近嘅地方到兜下，我哋去咗一個係Inn附近嘅古老建築物叫做Ewelme Cottage ，不過原來係早得濟，重未開門喎 ! 睇返Ｄ資料話呢個Ewelme Cottage 有係1863-1864時起嘅，嘩~~~距離家下咪有成百幾年，但係都重保存得幾好喎 !
之後就向機場方向行喇，見時間尚早我哋就去咗Manukau City 都行下，其實呢個市我哋第一日來到紐西蘭就行過架啦，去咗市入面個 Westfield Shopping Centre 到行咗陣就去搵油站入油，因為還車嘅時候係要入滿油缸先得架….先前經過見到Ｄ油價係貴過現在呢一個，嘩~~真係正 !
Ｄ油價又平咗，如果第一日來就咁平就好啦~~~因為預計係機場可能要攪一大輪嘅手續，所以我哋就預早咗到機場。好在真係預早咗，因為個 Airline 話我哋件行李超重要攞返Ｄ嘢出來先得，其實我哋件行李只不過係超咗2kg，我哋兩個人係有64kg….點知紐西蘭呢一邊係一件行李計…嘩~~~又要開喼攞返Ｄ嘢出來…之後過海關就比預期嘅順利喎…好快就過晒Ｄ嘢…之後就要去攞返先前買咗嘅戰利品喇….點知等咗好耐都無搵到出來，好在後來Check清楚原來係寫錯收據號碼，最後都攞到，如果唔係真係唔知點攪 ! 之後就入面嘅 DutyFree 到見到有蜜糖買喎..重要係平好多個隻添呀….早知就係呢到買啦…不過就有風險就係如果無就真係無囉 ! 最後我哋都買咗一Pack，之後就等上機，我哋係機場入面嘅 Burger King食個 Set 當係Lunch，就咁就完成呢個紐西蘭北島之旅啦 !
Day 14 – 9/11/2008
Parnell Inn@Auckland à Auckland City Visit à Westfield Downtown à Parnell Village à Dinner@Sky Tower à Parnell Inn@Auckland
住宿 : Parnell Inn@Auckland
今日又係好 Hea 嘅一日，都係係 Auckland City Visit ，由於先前嘅經驗，係紐西蘭嘅商舖有機會係星期日係唔做生意嘅，所以都覺得係無咩可以睇 !
食完早餐之後就去 Gucci 到睇嘢，係紐西蘭嘅 Gucci 又係平過香港，重要有Ｄ款係香港未有得買添架….係 Gucci 到一睇就睇咗成個幾鐘，本來都未諗住今日買，但係尋日聽 LV Ｄ sales 講要去機場到先至可以用到 DutyFree嘅價錢買，佢哋運去機場又係要一段時間，所以要買就要今日買喇 ! 正當想買嘅時間，突然諗起重有一間真係 DutyFree 嘅商店係附近，於是就去比較下啦….去到睇款唔夠專門店多，同埋價錢都係一樣，但係就發現另一款嘅袋喇 ! 於是就返返Gucci到睇下有無個款袋喇，睇睇下又發現另一款袋，個sales話係新返款式，嘩~~有人真係睇到愛不釋手啦….最後就買咗兩個袋同一個銀包喇。之後我哋就去咗 Westfield Downtown到行下同埋食埋個 Lunch，入面個 FoodCourt其實都係同紐西蘭一般嘅FoodCourt一樣，無咩特別嘢食 !
之後就去咗 OK Gift Shop 到買咗Ｄ嘢食同埋手信。跟住我哋就返去Inn附近嘅Parnell Village睇睇，唔知係唔係星期日嘅關係，都幾冷清下，睇完就返去 Inn 到 Hea 下 !
大約6點鐘就出去食晚餐，今晚係去Dinner@Sky Tower，原先我哋係Book咗8:15去食，但係後來諗諗下好似幾夜下喎…咪試下早Ｄ去睇下有無位囉，點知又有位可以早Ｄ食 ! Ｄ嘢食嘅種類就唔係好多，但係幾Okay嘅 (始終都係香港嘅Buffet正好多呢!) ! 同埋Ｄ服務都唔錯，入面有個 Waitress 幫我哋執執下嘢無神神彈咗句廣東話出來問我哋Ｄ嘢食得唔得….嚇得我哋話 !
食完嘢我哋又去 Observatory 個層到睇嘢，如果先前係上來食Buffet的話，個晚就唔會上來睇喇…可以慳返 !
睇完就返 Inn 到休息同埋要執下Ｄ行李啦 !
