最近gmail收到的信件都無法顯示圖片
解決方法
1 開啟 IE 瀏覽器後,
2 點選 “工具” 選項,
3 點選 “網際網路選項”,
4 點選 “安全性”,
5 點選 “網際網路”,
6 點選 “自訂等級”,
7 點選 最後一項設定將 “顯示混合的內容” 設定為 “啟動”
8 按”確定”
2011年7月20日
2011年5月4日
2011年1月16日
2010年7月23日
2010年3月28日
2010年2月28日
2010年1月16日
2010年1月8日
2009年9月5日
環保洗衣球
近排成日都見到有呢個叫”環保洗衣球 “係Ｄ報紙雜誌到出現，開頭見都要成四百幾蚊一個，但係就話可以用成年幾(都唔知係唔係真!!)，如果真係可以的話又幾抵喎。因為佢哋聲稱係唔洗再做洗衣粉同埋衣物柔順濟，如果係年中都慳唔少~~重可以為環境出一分力呀嗎 !!
早排去咗個家居展(本來成$20要錢入場，不過登記咗就唔洗 !)，入面都無咩睇，有Ｄ傢俬、電器….其中一個攤位就係買呢Ｄ環保洗衣球，見佢二百幾蚊就買來試下啦(佢哋話可以用成兩年喎!!)
如果想搵資料係到睇下喇…有幾隻牌子
http://hk.search.yahoo.com/search?p=%E7%92%B0%E4%BF%9D%E6%B4%97%E8%A1%A3%E7%90%83+&fr=FP-tab-web-t&ei=UTF-8&meta=rst%3Dhk
我就係用呢隻，洗咗三次都Ok…Ｄ衫褲無咩臭味，著上身都OK…
不過我自己發現用呢一種洗衣球有一定嘅限制:
1. 唔可以多衫，因為要有足夠嘅空間俾佢攪動 (多衫Ｄ衫唔郁，做唔到效果)
2. 如果Ｄ衫比較污穢的話，洗衫嘅時間要長一Ｄ，理由係俾個洗衣球活化咗嘅水接觸Ｄ衫褲多Ｄ…..
2009年8月26日
2009年8月5日
2009年7月28日
馬灣挪亞方舟
好耐都無係星期六出街睇嘢啦，咁啱星期六晚要出街食飯就順個便去睇下呢個係馬灣嘅挪亞方舟。呢個挪亞方舟位於馬灣，要去的話就要焗住搭呢個”島主”所承辦嘅交通公具，一係搭船(有由中環同荃灣去嘅)，一係就搭車(葵芳同青衣都有車)，車我就唔知幾多錢，船就要HK$8 (我好耐之前入過去一個朋友嘅屋企，記得好似係唔過HK$3架喎…點解會加咗咁多架 ???)。不過呢個都無辦法，真係無其他嘅途徑 !!
好啦，講返呢個挪亞方舟，開咗幾個月，應該係一個主題公園來。係一個講返挪亞方舟點解會形成同埋係一個唔記得咗叫咩山嘅地方搵到一個疑似係挪亞方舟嘅遺跡嘅嘢，個山重要係唔知有幾高，基本上係唔會有木呢一樣嘅物質出現，所以就推斷係挪亞方舟係洪水來臨嘅時候，整個世界俾洪水淹沒，首船飄到呢個山後退水停咗係到 !!
好啦，講返呢個香港嘅挪亞方舟，要入去就要俾呢個入場費，最貴嘅係HK$100，就咩地方都睇晒，包括一個叫大自然公園嘅公園(呢個好似係政府嘢，但係唔知點解星期六、日要買入場卷先入到去 ??!! 我都唔知係唔係，因為我去個日因為太遲所以就無得入去呢個公園到睇 !! 但個個職員同我講話平日去呢個公園係唔洗俾入場費架 !!)
我哋去到嘅時候到差不多成17:00，其中一個叫方舟多媒體博覽館A係要係17:00前入場，如果唔係就無得入，咁啱我哋去到嘅時候有兩個人係前面排隊，有一pair人就到左揾由揾到揾唔到錢出來喎，男個個又好似唔想俾咁，係到嘥晒Ｄ時間。跟住個個又問呢樣又問個樣….好在最後我哋都係17:00入到去呢個方舟多媒體博覽館A，入面住要介紹下呢個世界有幾多個挪亞方舟，講下點解會有呢個挪亞方舟形成同埋係個係個唔知咩山上面搵到嘅嘢…..入面有幾 Part…第一 Part 係有Ｄ模擬船上面嘅嘢，之後就有個位會放咗個係個唔知咩山上面搵到嘅化石….之後就睇下點解挪亞會建造呢隻方舟，呢一個係一個180度投射影院，然後就會去睇下一Ｄ小型模型，最後就會睇一個4D影院，我哋無睇到，因為呢到18:00就會閂門…重有就係呢個方舟多媒體博覽館A係唔可以影相架，所以一張相到無….
跟住我哋就去睇下呢個方舟花園，入面有好多動物嘅模型放咗係到，都係影下相咁喇，之後重有幾個館，好似方舟生命教育館、珍愛地球館、跨越奇園都係啱小朋友去睇多Ｄ，所以我哋都無去睇到 ! 最後個個大自然公園(馬灣公園)，因為時間關係我哋無得睇，有機會平日入去睇下先，不過佢閂18:00真係好早 !! 但係睇個Ｄ資料入面都幾多嘢睇個喎..
香港馬灣挪亞方舟官方網頁 :
http://www.noahsark.com.hk/chn/index.php
馬灣公園 (大自然公園 ) :
訂閱：
文章 (Atom)