第一次整薰魚，比較咸咗Ｄ…
2009年12月14日
麵飽布甸
又再試多另外一款…呢一款又係好容易整 !!
材料： (四位用)
鮮奶………………………………………………………………………………150g
糖…………………………………………………………………………………40g
淡忌廉……………………………………………………………………………150g
雲呢拿香油………………………………………………………………………少許
蛋…………………………………………………………………………………150g
麵飽………………………………………………………………………………適量
牛油………………………………………………………………………………適量
玉桂粉……………………………………………………………………………少許
提子乾……………………………………………………………………………少許
做法：
(1) 焗爐預熱180 度。麵飽切片放在杯內，塗牛油及放入少許玉桂粉，再放上
提子乾。
(2) 蛋、糖攪勻，加入淡忌廉和奶攪勻隔渣，倒入麵飽杯內至7-8 成滿。隔水
以200 度焗約40-45 分鐘。
呢到就係部份材料啦..
將糖同埋蛋一齊攪…..
再將鮮奶同淡忌廉倒埋落去蛋同糖嘅完成品到又再攪….
之後就將Ｄ上面整好個兜嘢倒落去預先放好咗麵包皮、牛油、玉桂粉同埋提子乾嘅兜兜到….記得要係個盤到倒返Ｄ水落去等個布丁唔洗咁乾
我呢幾個就焗咗23分鐘到….時間其實都要睇下你個兜兜有幾大而定
好嘢….完成 !!
2009年12月13日
香蕉蛋糕
聖誕就到，又有聖誕扒地，即係又要竟嘢食，今年都唔知整咩好。咁啱見都有個扑友教個女整個香蕉蛋糕，連小朋友都整到就啱晒我啦…
材料(4人份量):
砂糖： ６５ｇ
蛋一隻
麵粉：７５ｇ
有鹽牛油： ７０ｇ (要
自發粉： 半茶匙
香蕉： １５０ｇ（約一隻大Ｓｉｚｅ嘅。）
好啦，開工…
首先將隻蛋同埋Ｄ糖用電動打蛋機打到變咗白色
然後就將Ｄ麵粉同埋自發粉放埋入去一齊攪
攪呀…攪呀…攪到混合晒，然後再落Ｄ溶至水狀嘅牛油放埋落去攪…
然後就將Ｄ壓到變咗醬狀嘅香蕉放埋入去又攪….
攪完就將Ｄ攪好咗嘅嘢倒入去Ｄ紙兜到
然後放入一個預熱到 170度嘅焗爐入面焗20分鐘(焗嘅時間要睇下用Ｄ咩嘢裝，我用Ｄ細細個嘅紙兜就快Ｄ，如果用一個大嘅兜就要起碼35分鐘啦)
嘻嘻…完成 !! 成間屋到好香嘅呢…
2009年6月3日
佐敦新斗記
上個月同屋企人慶祝生日去咗佐敦新斗記食個晚餐，係網上面睇過下Ｄ資料，真係好壞參半，但係有一樣嘢就係要打電話去訂位先有得食 ! 但係個電話一係唔通一係就長響無人聽，真係少Ｄ恆心都去唔到唔到呢一間酒家食嘢 !
我哋夜晚7點去到已經差不多成間舖坐滿人咁濟，好在訂咗枱啫….我哋都係點Ｄ招牌菜食…
餐牌….好似同我係網上面其他網友影嘅有Ｄ分別，唔知係唔係近母親節嘅關係呢!!
燒乳豬 - 都幾好味，香脆可口，但係有同枱人話咸咗Ｄ…..有水準
燒鴨 - 比較咸咗Ｄ，重有就係有Ｄ穌味~~~可以話係一般貨色 !
煎蠔餅 - 好味，一陣就俾人食晒 ! 但係蠔仔嘅份量唔係好多~~~
啫啫魚頭煲 - 呢一個真係估唔到佢原來係將Ｄ魚頭全炸，所以有部份人唔鍾意食，同埋好少肉，食兩食就食晒，唔抵 ! 不過都幾香口~~~~
琵琶豆腐 - 幾好食，但係又係咸咗Ｄ…唔知係唔係個廚師唔開心呢 ?!
芥蘭炒牛肉 - 呢一個簡單嘅餸原來都幾好味喎….味道啱啱好 !
生炒排骨 - 味道唔錯，但係份量就少咗Ｄ….
蒜蓉炒?菜 (唔記得呢個係咩菜)
重有個粥
蟹蒸飯 - 好好味…..不過蟹嘅份量就少Ｄ….
總括來講整體都可以，但係唔知點解我哋個日食幾個餸都偏咸，係咪個廚師個日落鹽比較重手咗呢 ? 重有其實呢一間酒家食嘅嘢都幾貴，不過都可以一試 !!
酒家資料 :
地址 :佐敦長樂街18號18號廣場地下及1樓
電話 : 2388 6020
2009年1月19日
戶井北海道米比薩 Toi Hokkaido Rice Pizza
呢一間餐廳，係個幾月之前見到佢已經裝修緊。見到佢廚窗入面放咗Ｄ用米做嘅Pizza，都幾得意喎…唔次好唔好食嘅呢….有次係 Lunch 時間想去試下點知 Lunch 時間好似無做生意咁 ! 終於係2008月12月31日晚試到…..叫咗一個米餅 Pizza 加一個意大利粉，試完之後就覺得。無咩咁特別，無傳統 Pizza 咁好食，而個意大利粉又唔係咁好味~~~~整體來講~~~試一次無下次 !!
係正WTC對面都幾多人流……但係可以頂幾耐呢 ?
米 Pizza…我去北海道都唔見嘅…..睇係好似好好食，食落就一般
意粉..真係煮得好普通 ! 我整嘅都好食過佢 !
2008年4月16日
訂閱：
文章 (Atom)