田中壽司刺生店@元朗

我諗係元朗住嘅人無咩邊幾個唔識呢間日本料理 - 田中….我記得我開始認識你一間日本料理嘅時候差不多有十年前之多，呢間料理店我第一次經過時見到有人排晒隊唔知係到等咩咁，有無咁誇張呀 ! 之後就入咗去試第一次一直食咗呢一間料理有十年之多，最初係阜財街近去大埔紅色Van附近 ! 之後就搬咗去B仔涼粉附近，再搬就去到近鄉中附近，最近就係大馬路頭。最咗第一間舖之外，佢每次開親隔離實有一間日本料理會開，我統稱為”執死雞”料理店…因為有Ｄ人等唔耐煩就會去呢Ｄ”執死雞”料理店攪掂，我叫佢地為”執死雞”料理店唔代表佢地Ｄ野唔好食，不過無田中咁好食 ! 係田中食野係有規定就係得45分鐘嘅用膳時間，因為佢地實在係太多人去食，如果唔係咁的話，Ｄ人唔知要等到幾時 ! 田中Ｄ壽司出名大件，其實先前佢都係獨孤一味淨係買Ｄ壽司刺生同埋一Ｄ簡單嘅日本料理，但係我都覺得好掂，不過近年係元朗實在有好多日本料理店，所以佢地都多咗好多款式…好啦 ! 都係唔講咁多，講下呢次食咗Ｄ咩先…

基本上呢個魚生刺生(有壽司飯、飯同埋烏冬揀) 係膽來嘅，次次都有叫，呢次叫咗烏冬，Ｄ烏冬唔係咁好食，俾舊時食開失色好多，因為近排叫親都係壽司飯 !

太極 (三文魚子加海膽壽司)…呢個好正 !

 

重有個鰻魚壽司….唔記得影相，又係好正架 !

真人真事 ( 唔好幫人打電話 )

轉載自網上 …

真人真事 ( 唔好幫人打電話 )

話說星期一晚上係廣州近廣州大酒店（名唔知道係咪咁叫，有永安車番香港）同個老友同埋佢個客食完飯，由於落大雨咁就諗住去酒店截車，因為有遮蓋，咁行到近酒店旁一條小路口，見到有個大約 40 歲香港男人，係大雨下訓騎樓底，咁我地見佢著衫應該係香港人，咪行埋去睇下，原來暈左，拍醒佢，佢就住個間酒店，咁就叫酒店保安扶佢返酒店。原來佢先前避雨，有條大陸仔行埋去，拎部 ‘6150’ 出來話唔識用，不過又要緊急打電話，叫佢幫佢打，佢一掂部電話個大陸仔一按制，佢就訓低，比人槍哂 D 野！最後酒店報警，我地走頭！問返 D 老廣州，呢隻電槍，三舊水就買到，有 9成似 6150！小心！小心！

各位，我 … 都遇過類似情況 ….
兩個月前，我在荃灣大河道 ’ 吉野家 ’ 樓下等人，突然有條大陸仔走過來，拿部 ‘NOKIA6150’ 出來，話唔識開著部電話，叫我幫佢，我覺得好有可疑，無理佢，仲同佢講：「搵食行遠 D 啦！」跟住佢就行開了，我想 吊住佢尾睇佢有無問第二個，想知佢究竟想點樣騙人，點知條友一過完條馬路就影都唔見，好肯定係身有屎，而家諗起都一額汗 ?

PS: 記得提醒你身邊的人，叫佢地小心！

幾米.....

今日行過銅鑼灣見到有幾米嘅展品….

致：科技高手及各大電腦公司

係朋友轉寄…..內容幾攪鬼

致：科技高手及各大電腦公司

您好，去年我把「男友5.0版」升級到「老公1.0版」之後，發現系統的整體效能變差了，尤其是「送花」及「送珠寶」功能，這兩個功能本來在「男友5.0」軟體裡一點問題也沒有。
此外，「老公1.0」也把原來好用的軟體殺掉了，例如「羅曼蒂克9.5」及「關懷 6.5」，取而代之的是「世界盃足球賽5.0」、「NBA籃球賽3.0」和「高爾夫俱樂部4.1」。
「談心8.0」也無法執行，還有，每當我要執行「打掃屋子2.6」，整個系統就當機，我試著執行「嘮叨5.3」來解決系統問題，但是一點用也沒有。
請問我該怎麼辦？
心急的太太 上

致「心急的太太」：
首先要提醒您的是，「男友5.0」是娛樂軟體套件，而「老公1.0」是作業系統。
您可以在流覽器上方的網址列輸入：http://我以為你愛我.html，或上網下載「眼淚6.2」以及「罪惡感 3.0」的更新檔案。如果上述軟體可以執行的話，那麼「老公1.0」應該就會自動執行「送珠寶2.0」和「送花3.5 另外，不要嘗試重新安裝「男友5.0」，我們並不支援這套軟體，同時它和「老公1.0」不相容，會造成不可預期的錯誤訊息。
總結來說，「老公1.0」是個非常棒的軟體，但受到記憶體的限制，它無法在短時內學習新的功能。建議您加購另外一套外掛程式「美食3.0」或「性感內衣7.7」，以增加記憶體和系統效能。

祝好運
技術支援中心

急救課程....

近排上緊個急救課程…嘩~~個CPR(心肺復甦法)要係2分鐘之內完成，裡面有成5個Cycle，每個Cycle要按30下然後吹2口氣…做完都手軟….唔可以錯一錯就肥 ! 星期一就考試啦….

成大堆都係包紮嘅野….要係十分鐘內完成…

 

私房菜喜宴@尖沙咀

有日同屋企人慶祝生日去到呢家位於尖沙咀嘅私房菜餐館，而當日嘅菜式就係有一個頭盤加八度主菜最後來個甜品(個甜品唔記得影相添!)，呢家私房菜其實都幾隱閉，如果唔係有人食過就真係唔知點來….全部菜色最欣賞就係頭同尾兩個，但係整體都幾滿意。呢一間個主廚都係好似一貫私房菜一樣，每個菜色都會改一個名。出每個餸都會介紹下個餸菜，之後就會問下你Ｄ餸菜有無Ｄ咩問題…..至於收費方面盛惠HK$250一位啦….

頭盤 :龍蝦柚子沙律

瓊珍鮮花伴海皇 - 蟹米子荔枝花枝(個配搭都幾新鮮)

珠玉滿堂奉如意 - 蕃薯豆腐釀魚翅 (口感幾好 ! 不過唔多覺感到有魚翅)

龍宮將軍被黃裳 - 毛茄伴酒糟南瓜蝦

蘋蹤雪印聽海螺 - 雪梨蘋果豬腱海螺頭湯 (呢個湯真係幾好味!)

紅粉飄揚俏鳳凰 - 仁稔粉皮雞

玉琢金裝白妙藝 - 肉鬆炒茭白

綠榭蔭旁嬉繡球 - 碧綠獅子頭

火辣玉面紅袍將 - 年糕豆腐伴酸辣蟹

球皇保齡球館@深圳

唔知大家有無打保齡球嘅呢 ? 我就耐唔耐都打下架…不過就唔係好叻 ! 不過如果係香港打保齡球平極都要成$2x 一個Game，所以基本上我係唔會係香港打，會係深圳打多，因為深圳打星期六及日下午一點前都係rmb$10一局，星期一至五重要係rmb$5一個Game….我就覺得非常抵打。打完波就周圍行下買下野食野…….

深圳吉野家….

惠東平海二天遊@DAY 2

第二日起身就包埋個海鮮粥做早餐，個粥又係好好味，食到唔停得口….食完個粥之後，就包咗我地去附近嘅景點到睇睇，個司機車咗我地去睇有鹽田、海龜生蛋嘅地方同埋一個海龜館(要俾入場費)、重有個雙月灣(又係要俾錢，不過呢個好似係俾Ｄ人封住個入口來收錢)，因為同個司機好傾，睇完晒Ｄ指定景點後，個司機就車我地去一個叫做巽寮灣，據個司機講呢一個係一個內地夏天消暑嘅地方，所以夏天嘅時候會好多人來呢度遊水玩樂 ! Ｄ酒店嘅價錢都幾貴下，標價要成千幾蚊人民幣一晚，最後打折幾錢就唔知。不過Ｄ房有部份係向住個海，個 View 都幾正下 ! 睇完呢個地方就叫司機車我地去食 Lunch ，個 Lunch 就係間客家酒樓到食，因為比較遲，所以好多野都買晒 ! 食完個 Lunch 就返去間民宿到，係去呢個巽寮灣之前曾經經過一個地方種咗好多士多啤梨，所以就叫個司機車我地去呢到睇睇 ! 開頭都諗住大陸Ｄ士多啤梨應該唔係好得，但係睇落有幾大粒同埋幾有士多啤梨味，於是乎我地就係咁扎Ｄ士多啤梨…..扎下扎下多扎咗幾多下(不過都係唔洗100人仔就有兩大盒，之後我個朋友話佢地第二日去個一個重平Ｄ添呀)。因為我地係二日一夜(如果唔係就可以車埋我地返深圳)，所以就差不多要返去搭車。返到民宿就洗咗Ｄ士多啤梨來食…嘩….都幾好味喎 ! 然後個司機就車咗我地去車站到搭車返深圳啦…返到深圳都差不多成六點幾…….呢個平海之旅都幾好玩 ! 不過就最主要係食，景點好快就睇晒 ! 不過我個朋友話佢地第三日個時，個民宿老闆帶咗佢地去農場到玩”乞兒雞”，將隻雞搵尼包住然後就用熱力將雞整熟來食……

 

海鮮粥做早餐，個粥又係好好味，食到唔停得口

鹽田

海龜自然保護區….呢個海灣係七至十月會有海龜來生蛋

海龜館

雙月灣(有Ｄ似日本函館個個灣)

東蓮禪寺

巽寮灣

海濱溫泉渡假村

午餐

自己擇士多啤梨來食…嘩….都幾好味喎 !

惠東平海二天遊@DAY 1

朝早9:30係皇崗口岸等民宿安排嘅車，今次坐個架係一架七人車….車程大約兩個幾鐘，不過因為塞車所以俾原定時間遲咗少少，要成十二點幾先到 ! 去到個老闆就安排好Ｄ房間俾我地，Ｄ房間都可以接受，之後就整咗個炒米粉俾我地食，話時話都幾好味，食下食下幾個人都食咗幾多下 ! 跟住我地就係呢個平海市入面四圍去睇。首先就去個古城到睇睇…但係我地就唔知行咗去邊，一路行一路搵，行咗入個成入面見到有一家人有Ｄ楊桃幾靚問可唔可以俾一個我地食…呀，個婆婆二話不說就俾咗兩個我地喇 ! 之後我地就行咗去個南灣到，行咗好鬼耐先到 ! 跟住頂唔緊要搵架摩托車坐我地去古城東門，不過就一架車坐咗成四個人，好似玩緊歡樂滿東華咁 ! 後來到咗之後我重聞到一陣囉味添呀 ! 之後就係古城行來行去，最後重買咗Ｄ野食下添….行完古城我地就返去等食晚餐，因為我地訂咗個海鮮晚餐。食嘅時間會同埋其他宿友一齊開餐，但係就每個 Party 一張檯，最期待嘅就係炭燒生蠔 ! 但係其餘嘅餸都好好味喎，總共有成差不多有九個餸連埋湯…食到食唔晒 ! Ｄ蠔真係好好味，又係無限量供應咁濟….食完沖完涼就訓覺囉…

一去到就有一個自家製嘅炒米粉同埋枸杞湯…個米粉好好味呀 !

呢個係平海市入面其中一條村嘅一個地方

呢個叫孤洲釣月……

南門海灣….好長嘅海岸線呀….

平海古城…..

炭燒生蠔….嘩~~~好正架…

粟米紅蘿白豬骨湯…

好多餸食呀…

呢個扇貝就普通Ｄ

Ｄ蠔幾大隻…

晚上玩煙花…