係灣仔到食 Lunch 都有平有貴，咩國家嘅菜色都有得選擇。呢一間砂煲砂煲我係個幾月前經過過，見個名幾得意同埋睇個餐牌五十幾蚊就有個 Lunch 食，所以決定咗搵日試下。呢間餐廳原來有砂煲砂煲食，唔怪得之叫呢個名啦 ! 重有都有好多明星來幫襯過架。我地一行二人叫咗個咖哩豚肉飯同埋一個雞柳餐定食，個餐係會跟個沙律、麵豉湯同埋甜品。個咖哩豚肉飯Ｄ豚肉係燒烤整出來，好惹味…Ｄ咖哩唔太辣，有日本咖哩風味。至於個雞柳定食就跟咗三文魚刺生、中華沙律同埋煎餃子，整體都好好味。最後個甜品係Ｄ生果糯米慈，不過去呢間餐廳到食，最好就係係十二點三前到，如果唔係就訂定位先，因為一到十二點半就無晒位，俾人BOOK晒。如果去開灣仔的話，呢個都係一個唔錯嘅選擇 !
個Menu都幾別緻
先來過麵豉湯同沙律
日式咖哩豬豚肉飯 (Ｄ豚肉飯幾好味)
雞柳定食…有好多配菜
甜品 - 生果糯米慈 (有荔枝味同芒果味)
呢間餐廳出名就係Ｄ炸吉列豬扒、炸大蝦、生蠔同埋帶子….不過淨係食咗炸吉列豬扒拉麵套餐，塊吉列豬扒炸到有鬆又脆都幾好味，至於個拉麵水準都唔錯。但係價錢來講就真係幾貴下，一個炸吉列豬扒拉麵套餐要成八十幾元埋單。一般炸吉列豬扒拉麵套餐都係大約5-60元到，不過抱住一試無防嘅心態就無所謂嘅 !
呢間 Mr. STEAK Buffet la minutes 我已經係第二次來食，來食嘅原因都係因為有和牛食。不過上次就無今次咁多和牛做嘅菜色，同埋上次我記得價錢都唔洗咁貴，畢竟現在物價上升咗好多 !
好…講返今次呢餐和牛 Buffet 先，晚餐價$398一人，有5號仔信用卡買一送一，不過我都知佢係加一到又計一個正價架啦 ! 呢次係食佐賀和牛，有晒証明放係門口，重話係A5和牛添呀 !
根據網上搵到嘅資料話 : 和牛原是日本本土飼養食用牛的統稱，自從十多年前，澳洲引入和牛並成功繁殖後，市場即出現澳洲和牛及日本和牛兩大派別。
每隻日本和牛在出生時有證明血統的出世紙，牛以牛奶、含豐富蛋白質的飼料等飼養，部份牧場更為牛隻按摩及灌飲啤酒，令肉質更鮮嫩。澳洲和牛在15個月前飲牛奶，斷奶後餵穀草，600天大便須屠宰。
日本及澳洲和牛的級數以A及M來區分，兩者均根據肉色及脂肪分佈評定，日本分A1 至 A5 級 ， A5 最高級價格亦最貴；澳洲則分M1 至 M9 ， 同樣級數越高越矜貴，而大型屠場更私下訂出 M10 至 M12 級 別 ，由於 M12 太矜貴，一般不會出口，故本港只可吃到M10 貨色。
好，今次主力係食和牛，呢到和牛有幾款菜色，有宮崎A5級和牛大烘牛肉、九州豬骨湯煮鹿兒島A5和牛胸、薯仔煮宮崎A5和牛同埋和牛炒飯，重有好多其他好食野好似生蠔、鹿兒島特色鹽燒黑豚內 (好味)、烤鹿兒島黑毛牛辣椒旋風腸、薰煙鴨胸、刺生、長腳蟹…….甜品…
宮崎A5級和牛大烘牛肉同埋烤鹿兒島黑毛牛辣椒旋風腸
九州豬骨湯煮鹿兒島A5和牛胸
刺生…有甜蝦、三文魚、魷魚柳…
重有其他野食，味道都唔錯架….Ｄ豆腐好重豆味架
呢個係甜品，唉哎…影唔到個朱高力Fountain添….
重有Ｄ壽司食下架
長腳蟹都好好味…翡翠螺…蟹仔同埋蝦
生蠔又係無限量供應
除咗和牛之外，重有鹿兒島特色鹽燒黑豚內 食添
燈、燈、燈、燈…全晚嘅主角….宮崎A5級和牛大烘牛肉…
好好味嘅鬆餅
以呢間餐廳嘅規模，甜品嘅種類都唔少
總結係Ｄ和牛真係好好味…….鍾意食和牛嘅人一定好開心。
嘩~~家下真係咩都加價，連平時食開嘅大快X都係三個月內加第二次價，其實平時我到唔多覺有加到價。只係聽到Ｄ人話街市Ｄ菜好貴，Ｄ豬肉有加咗價(呢個係因為先前供應量不足而加，但係加咗又唔會跌返落來)，Ｄ汽油又係咁加…但係最俾我感到有加價就係食早餐嘅餐廳不停咁加，重有就係平時會買Ｄ芝士腸、蜜糖腸係農歷新年前加咗一倍，平時買開8~9元，新年買成18元，諗住新年先咁貴，點知新年後價錢都係咁….唉~~唔知有無人工加呢…..
有日同屋企人慶祝生日去咗元朗呢間叫金泰釧嘅泰式食肆，其實呢間我先前都食過幾次。去呢到食我必定叫佢地嘅咖哩炒大蟹，因為真係幾好食。呢間泰國野食個老細開係屯門開咗間做泰式食品嘅舖頭，後來唔知咩原因無做。因為個老細係女人所以我認得佢，之後就係呢間到見返佢，先前呢間泰式係無咩人幫襯，後來唔知係唔係搵過Ｄ風水大師睇過，將個名改咗少少，生意就開始旺起來 ! (其實呢Ｄ都係我觀察到，我無去求證過 !) 佢個女好似有接受Ｄ唔知咩訪問就關於點樣管理一間公司…內容唔係好記得 !
其實呢一年我都無去過食啦，因為最後去個次都發覺佢好多野都加咗價 ! 同埋少人食的話，食唔到咁多野…..
先來支紅酒先…(自己帶架)
芒果大蝦沙律
美食大全照
薄餅(點Ｄ咖哩都好味)
事緣昨日無咩做，又見個廁所洗手盤去水嘅速度越來越慢，咁梗係用最簡單嘅方法，用個手動式泵去通一通佢啦….唔通尤至可，一通就o賴野….塞埋兼攪到成個廁所濕晒，原來個洗手盤有好多出水位，用個泵一谷就唔知係邊Ｄ地方有水走出來，做唔到個真空效果係吸唔到Ｄ積聚物出來 !….水就重可以去到水嘅…係去得慢到敵下敵下咁 !
即刻上網搵下有咩方法可以通渠，除咗方法(1) 用個手動式泵 (我試咗)。方法(2) 就係用一Ｄ通渠嘅化學濟，如鏹水、哥士的之類，但係我又唔想用化學野喎，因為網上都有人講呢種方法雖然可以通，但係可能會連條去水喉都腐蝕埋。方法(3)就係用一種叫通渠膝嘅野，呢樣野我有時係街都見到有人示範，原理係像呢條彈弓嘅物品塞入條渠到拗返Ｄ積聚物出來，好啦…就決定用呢種，網上面Ｄ人寫話係Ｄ五金鋪到有得買，但係個時都已經係差不多七點重要係星期六，所以要聽日先可以去買。方法(4)就係市面上有一種利用高壓將Ｄ積聚物迫走，但係呢種方法應該係洗手盤唔 Work ，因為個洗手盤有其他唔知係邊嘅通道，要用呢種野就要塞晒所以通道 ! 最後一種方法(5)就係搵通渠師傅整…
係未有呢Ｄ方法前，我就試下可唔可通到先。於是乎就要拆個 U-形去水位通一通啦，好在我洗手盤個U-形去水位就好容易拆嘅，唔係就大工程，用一條膠條通下，篤到條膠條3/4到就篤唔到啦，個位係Ｄ轉彎位，呢Ｄ位最容易積野 ! 我估計應該係Ｄ頭髮之類嘅野塞住，如果唔係點會重可以去到水，但係個Ｄ積聚物一定好多。在無計可施的情況下，我唯有等到聽日買到Ｄ用品先動工啦 !
今朝起身突然忽發奇想，就係試下用吸塵機吸下Ｄ積聚物出來，因為吸塵機個原理同用個泵到差不多，但係吸力就勁好多 ! 試下又無壞嘅，唔得就出街買Ｄ所需用品。好在我屋企部吸塵機就用水做 Filtering ，所以吸水都無問題。因為知道個洗手盤有其他唔知係邊嘅通道，所以吸野嘅工序就係U-形去水位到吸。將個吸塵機喉對準個去水喉，一開機就聽到”啵”一聲，真係吸到Ｄ積嘴物出來呀 ! 勁 ! 俾大家睇下喇 ! 全部都係Ｄ頭髮再加Ｄ類似脂肪或者係油性嘅野，都幾大舊下，唔怪之得可以塞住條喉啦……終於都攪掂 ! 哈哈 ! 最後要用Ｄ玻璃膠封一封個U-形去水位，因為可能Ｄ封膠老化咗，有Ｄ漏水 !
U-形去水位
就係呢舊積聚物啦….都幾核突下
