2012年11月20日

2012 捷克、奧地利、匈牙利自駕之旅 (6) - Day 3 Karlovy Vary (KV) > Cesky Krumlov (CB) 27 Oct 2012

Day 3 Karlovy Vary (KV) > Cesky Krumlov (CB) 27
Oct 2012



今日起身望出去個窗出面係滿地都係雪，尋晚應該係落咗成晚雪。摸下個窗~~嘩~~好凍嘅呢~~



住宿呢到係包埋早餐，梳洗完就睇下上唔上到網啦，呀~~又得啦喎，可能係尋日我係張揀早餐張紙到寫咗上唔到網，個館主尋晚返到來就整過來啦~~



我哋就係8點食早餐嘅，未夠8點我哋就準備好啦，出到去就見到館主，傾咗幾句有問我Wifi用唔用到，之後就攞咗D資料登記同埋埋單~~我哋就問咗佢附近景點嘅資料同埋揸車去睇方唔方便呢，佢嘅答案同我搵嘅資料一樣，呢到泊車唔係好方便，有得泊車嘅地方有好遠，同係我哋係呢到行去景點差不多無咩分別，重有就係要俾埋Parking Fee 添啦~~又話我哋知點到有supermarket~~



傾完我哋就去食早餐喇，係傳統嘅歐洲早餐，麵包為主囉，重有D Ham …可以食得飽，無咩特別!!



食完我哋就執好行李，準備去市中心到行返一轉睇下嘢先，唔次個館主係咪以為我哋Check Out ，話唔可以放D行李係房到，叫我哋放返係車到或者放係食早餐個到喎 ! 我哋其實都無諗住咁快 Check Out 嘅，只係諗住出去行一轉之後就返來Hae一陣然後先至走人~~咁講法咁我哋唯有放D行李係食早餐個到先啦 !! 因為其實我哋都唔知會街幾耐嘅，可能會過咗個 Check Out 時間都唔定。食完嘢我哋就行落去市中心睇下D溫泉迴廊啦，由民宿個到行落去其實係唔洗10分鐘就會到咗景點，不過我哋出門口個時就落緊雪，由凍有滿地雪，要行慢少少，唔係就會隨時 PK 到似。



行到落去我哋睇第一個溫泉迴廊Vridelni Kolonada(Hot
Spring Colcnnade)，呢一迴廊入面有一個噴泉，都噴得幾高下個喎。我哋就係到影下相啦，同埋解下凍，因為出面好大風又凍添呀~~係呢個迴廊都幾多人係到，最大班嘅就應該係一班台灣人來嘅，佢哋係D精品店到買緊D Souvenir ，我哋都行埋去睇下啦，個都有D溫泉杯同埋D手指甲剉買。好多人都會買隻溫泉杯去載D溫泉飲下，不過D杯都唔平喎，細細哋一隻都要過百蚊，都幾貴~~如果係尋日來到有時間睇下的話，我哋都會考慮下買嘅，不過一陣間我哋就會去 Cesky Krumlov ，都要成2~3個鐘嘅車程，無謂博啦，一陣拉肚子咪大鑊 !! 唔知係唔係星期六嘅關係呢?! 成9點好多舖頭都未開，之後先發覺我哋無試到溫泉餅~~因為其實真係唔覺有邊到有得買，所以我哋無試到~~



之後我哋就去睇埋 Trzni
Kolonada(Market Colonnade) 同埋 Mlynska Kolonada(Mill Colonnade)，之後就決定走人啦，因為好鬼凍又落住雪咁~~行到返去民宿個到，去下廁所同埋掃走車上面嘅雪，都成差不多11點先出發~~



一開波個 GPS 又係好耐都未 Locate 到，應該係重未搵到D 衛星訊號，心諗你要生生性性呀，重有好多日要靠你架…等咗差不多5分鐘，好在有返訊號，可以出發啦。



本來原先諗住係去 Cesky Krumlov 之前會去下 Františkovy Lázně 同埋 Mariánské Lázně ，因為由 KV 去其實都幾近，不過今日天氣就唔係幾好，同埋去呢兩個地方有機會行山路去，所以最後我哋都係無去到呢兩個地方架，呢兩個地方其實都係睇下D溫泉嘅嘢。



由KV直接去 CK ，諗住途經 České Budějovice (CB) ，又係 Plan 咗入去睇下個廣場就走人，因為都係得個廣場同埋教堂，教堂我哋睇咗好多，所以都無諗住睇嘅，淨係諗住睇下個廣場算~~不過最後我哋都係直接去咗 CK 先，因為去到 CB 應該都成點幾兩點鐘。今日我哋就係車上面食零食做午餐，不過其實都唔係好肚餓，唔次係唔係朝早食得多嘢呢 ?!



行行下我哋見到有個好大嘅 Shopping Mall，於是我哋就停車入去睇下，順便入去方便下呀嗎~~呢個Shopping Mall到幾大，有嘢食又有嘢買，我哋係呢到嘅 Supermarket買咗D嘢食，準備不時之需。之後重係到買咗一對毛毛鞋，因為出面真係好凍~~



買完嘢方便完我哋就去 CK 嘅住宿到，今日住個個地方係離開咗個市中心有段距離，不過就可以泊車，因為先前搵過一D係市中心嘅好多都係無晒位。最後搵咗呢一間啦，呢一間就有車位，重有廚房可以用。我哋去到呢到都差不多成4點鐘，唔次係唔係因為落雪關係，車程都用咗成差5個幾鐘先至由KV到CK。去到呢間 Apartment，係今日係住 Apartment，一泊車，個館主 Martin就出來問係咪我啦。講咗幾句嘢之後，佢就介紹下佢間 Apartment 有D咩，同埋食早餐同煮嘢嘅地方係邊，之後就問我哋會唔會煮嘢食，我哋當然係會啦，因為都有兩日係呢到住，如果搵唔到嘢食，我哋好大機會自己煮架嗎。之後，佢就諗咗一下，就俾咗一間入面有廚房嘅 Apartment 俾我哋啦。



呢一間 Apartment 都幾大下，我哋安頓好D嘢就準備出去行下睇下嘢，順便食埋晚餐，今晚我哋就Book咗食地窖餐廳到食嘢。



我哋差不多成4點半先出發，一路行一路影相，出去個時都重有D落雪，呢到如果唔係今日咁嘅天氣應該會幾靚。行下影下，好快就去到市中心，行到去個中心廣場到見到搭晒D攤檔係到，我哋重以為係聽日星期日會有D露天市場係到擺買添，原來唔係嘅~~~



行行下去到今晚食晚餐個間餐廳附近，我哋就入去個Information Center到暖下先同睇下有無咩資料可以攞，結果係無嘅。我哋大約17:15到到咗間餐廳，因為出面都幾凍，於是乎就入去睇下有無得開早飯先，又有位喎!



開頭佢哋以為我哋係 Walk-in嘅，俾咗張角落頭嘅2人枱俾我哋，之後我同佢哋講我哋Book咗，佢就俾張4人枱俾我哋，不過張4人枱無張2人枱咁好Feel，於是我哋都係要返張2人枱。



睇下個Menu，咦~~~點解無豬手食嘅，睇咗好耐同埋同個職員講佢都唔係好明，之後我就行下睇下間餐廳入面有無人食緊啦，原來真係無喎，後來就見到有一枱人揸住本書問有無烤豬手同埋烤鴨食，個職員答係無嘅~~原來呢一間係無呢兩樣嘢食嘅~~



之後我哋就叫咗 Set 係雜扒同埋一個淨豬扒同一杯Beer，個淨豬扒都幾好食，個個雜扒就Ok啦~~係呢到食，基本上就係食氣氛~~



食完我哋就返去Apartment到休息下，聽日重有一整日係 CK 到，可以聽日先睇D景點 !!

到咗CK


呢間就係我哋會住兩晚嘅Apartment

呢個係公家食堂，如果有叫佢哋個早餐就會係呢到食

呢間就係我哋住兩晚嘅房啦

有廚房

睡房

飯廳

廁所

玄關位

外觀，大家睇唔睇到落緊雪呢…

行去是中心嘅路

行落去就到市中心附近

過埋條就到啦

有紅葉睇

萬聖節裝飾

中心廣場

地窖餐廳

是日晚餐

市中心夜景

張貼者： 於 沒有留言:
標籤：

2012年11月19日

2012 捷克、奧地利、匈牙利自駕之旅 (5) - Day 1 & 2

2012 捷克、奧地利、匈牙利自駕之旅 (5) - Day 1 & 2 



Hong Kong > Dubai
> Prague > Karlovy Vary



 



通常去呢個歐洲都係係凌晨出發，今日我哋都係呀~~搭Emirate嘅 00:25 班機，去到迪拜(唔記得幾時轉咗名，舊時叫杜拜)。



今日出發都重要返工，所以放咗工就即刻返屋企準備出發，如果可以放埋假就更加好啦~~



平時就會搭Taxi轉機場巴士，因為小弟住係D山卡罅嘅地方，要轉下車先會到嘅。因為今日返咗工，所以就先前Call咗Taxi去機場。架Taxi開得都幾快，唔洗半個鐘就到咗機場。



去到機場就去寄行李，好在先前 Online Checkin咗，唔係就有排排隊。去歐洲真係要搭 Emirate，因為我哋兩個人D衫褲全部放入一個喼到，都幾重下，Emirate可以一個喼30kg都無問題，正~~~之前4月去巴爾幹半島搭德航，一件行李唔可以過 24kg ，都幾麻煩~~



 



攪下呢樣攪下個樣，原來都好快要上機~~呢一程係搭A380，D位舒服好多，因為好闊。我哋所有嘅飛機餐都揀咗海鮮餐(先前搭星航D海鮮餐好正架)，點知佢哋中東人嘅海鮮餐只係得三文魚，係由香港去迪拜個程有蝦同帶子，其餘個幾程包括返香港嘅兩程都係三文魚，問題係見到佢哋嘅常餐好似重正D添~~~所以下次坐Emirate都係唔食海鮮餐啦…



 



搭咗成9個鐘去到迪拜，要等成5個鐘先再轉機去捷克，搭Emirate如果等轉機時間多過4個鐘就可以有免費餐食，記得第一次食個時係有自助餐食，不過家下就派餐券，到指定餐廳換一個餐。先前唔知邊到換，周圍行，問個Help Desk就指住一個方向，原來個個位就係我哋落機入返去個機場個到附近，先前都見到有人係到排隊架啦，原來係換餐券食嘢。



 



換完餐券就去食嘢啦，其中一間係食泰國嘢嘅，諗住可能會幾好食啦，但係要行到好遠，同我哋轉機個位係一頭一尾…



而個泰國嘢食就~~唔~~又唔係唔好食嘅，係小料D囉。我哋係間泰國餐廳到叫咗個咖哩雞，D雞得一件加埋好少嘅菜同咖哩汁，重有就係叫咗個麥當當嘅餐。分而麥當當個餐幾好喎，又有新地送添~~食完嘢，我哋行返去轉機個位到都差不多要上機喇。呢一程要搭6個鐘，係機上面瞓咗一覺，好快就到咗捷克啦~~



 



去到捷克出境都幾順利幾快，攞行李就幾快。之後就去唱錢，因為我哋會直接去 Karlovy Vary ，所以就要唱定D錢，係機場到唱個 Rate 真係唔係好抵，重要收手續費，收咗成 CZK$300呀…後來發覺應該係禁 ATM 會責抵好多，如果真係一定要唱錢，大家可以係 ATM 到禁~~個 Rate 重要幾好添架…因為係機場到唱貴咗，所以D嘢對換返就貴咗好多啦…



 



之後就去攞車啦，係捷克租車，佢哋有一個停車場係專門俾租車公司用，就係 Parking C，就入境個一個大樓到要行出去，過對面個一棟 Parking 大樓，都幾容易搵(因為先前用Google街景搵過)。去到租車到就搵個租車Counter，今次我哋係搵到個間係 Budget ，呢一間其實係一間租車公司叫 EconomyCarRental嘅公司，佢其實應該係一間Agent，再搵其他租車公司租車，個價錢又平過租車公司個喎，不過就要落 Deposit 先囉 !!



 



去到Counter都有幾個人等緊攞車，不過攪D手續都好快就攪掂，但係無神神要俾 Deposit ，成 CZK$32,000，都成萬六蚊港幣，不過就Hold住咗筆錢，但係就無過數嘅。個職員攪掂晒D嘢就俾車匙我哋，叫我哋去邊到幾多號位攞架車~~~



 



去到攞車，今次俾咗架意大利出品嘅 FIAT 品牌，先前未揸過，呢一架車應該係一架好基本版嘅車，因為好多嘢都係好基本，連乘客位個兩個位都係無電窗嘅~~~我諗呢一架車應該得1,400c.c.到，因為真係無咩力，同埋去到高轉數先有力，咁就會好嘥油，同埋副Engine都幾噪下~~



 



不過架車都幾新淨，行咗兩萬幾公里到，上車個時都重有一陣新車嘅味道~~出發前就要 Set 好D GPS 同埋 Car Recorder 重有個 FM Transmitter ，呢一架車係無 Aux in ，所以就要用FM Transmitter喇。攪完一輪嘢，我哋都差不多成4點先由機場去 Karlovy Vary (KV) ，由布拉格去KV，要成2個鐘車程。可能呢幾次都係係歐洲自駕，所以呢好快就適應咗，不過架車就重未適應，因為無咩力。一開始個GPS好耐都幾Locate到我哋個Location，要等咗成十分鐘先得(之後好多次都係咁，唔知係唔係個GPS老化呢?定係凍得滯呢…)。一路行到無咩嘢，行行下有一段路好似封咗，我哋當然係博一博啦，去到個邊係成段block咗，點都係要兜路，又見到唔到路牌指去邊喎。開頭我哋行錯咗，又要行返轉頭，最後因為block咗段路要行多成40分鐘(個段路其實只係需要行5分鐘咋)。一路行都有微微咁落雪，我哋架車已經係裝咗雪軚，所以應該會用多D馬力，但係就安全好多(有次係日本東北到自駕，又係遇到大風雪，重要行山路，駕車行行下跣軚，好驚心動魄，好在無事咋，個到重要係山上面添呀)。



 



去到KV嘅住宿到差不多6點鐘，重要落緊雪。本來諗住攪掂Checkin好就會出去睇下D景點，但係來到KV都已經天黑啦。去到間住宿泊好車，望入去見到有個人，開頭以為係館主，後來發覺原來唔係，重同我哋講一大輪唔知咩話，哈~~有屋入有鎖匙入都屋就唔理啦，後來佢俾張紙我哋睇，原來館主話有要事，要去Pargue一趟，話呢個男人會俾資料我哋咁……



Checkin完都差不多成18:30，我哋重要去Supermarket到入貨，買D日用品。之後就出去搵食，本來諗住去市中心到兜下睇下有咩食啦，點之好多都係閂咗門。咁就試下用GPS入面嘅function search下啦，有McDonlad喎，跟住去搵下啦。不過McDonald就搵唔到，反而搵到間中國菜嘅餐廳，當然係入去睇下有咩啱啦。架車就咁放係門口，入面負責嘅人都可以講普通話~~掂，車可以放係門口無問題，我哋就叫咗個飯同湯麵，味道都唔錯呀~~~



食完就返去民宿到休息，點知個Wifi又用唔到，可以早D休息~~


出發啦…

呢個就係最好嘅一個海鮮餐..之後個D…

Emirate送嘅餐..

呢架就係陪伴我哋15日嘅車仔..

第一晚住宿 A.Dalia

第一晚食晚餐嘅地方

其實都幾好食..

住宿到幾民居下架

呢到就係食早餐嘅地方

我哋間房都幾大

張貼者： 於 沒有留言:
標籤：

2012年11月2日

2012 捷克、奧地利、匈牙利自駕之旅 (4)

鹽礦原來都幾好玩個喎…


張貼者： 於 沒有留言:
標籤：

2012年11月1日

2012 捷克、奧地利、匈牙利自駕之旅 (3)

奧地利嘅 Hallstatt 真係好靚…..

張貼者： 於 沒有留言:
標籤：

2012年10月26日

2012 捷克、奧地利、匈牙利自駕之旅 (2)

家下身在杜拜等轉機，因為我哋要等成5個鐘，所以就有得免費食返個餐~~~
送嘅有3間可以選擇，有麥當當、泰式嘢食同一間歐洲嘢食

食呢個免費餐首要條件就係要超過4個鐘，之後就要去 Information 附近嘅一個 Counter 到換Ｄ美食卷
我哋揀咗食泰式，不過就行到PK
其實最近我哋入閘嘅就係麥當當同個間歐洲嘢

我哋行咗成20分鐘先到…..
個泰式嘢真係有Ｄ流流哋，反而麥當當就好有誠意啦，又有薯條又有雪糕…
係 Thai Express 到要咗個咖哩雞飯，係麥當當到要咗個 BigMac 餐….

食完重有差不多兩個鐘先上機飛去捷克，然後就驅車去 Karlovy Vary
(KV)
希望順順利利啦…去到重有睇景點，去超市入貨….

張貼者： 於 沒有留言:
標籤：

2012年10月22日

2012 捷克、奧地利、匈牙利自駕之旅 (1)

呢排公私都好鬼忙，過多幾日就會去旅行，會去 捷克、奧地利、匈牙利，都係自駕啦。不過搵資料嘅時候發覺呢幾個國家自駕有點兒難度，因為泊車都幾麻煩，同埋係景點附近泊車係好貴~~~尤其係 Salzburg、Vienna同 Hallstatt 
家下都重搵緊合適嘅酒店，其實已經Book晒…不過睇下有無Ｄ好Ｄ嘅…
住方面都係幾難搵，我哋鍾意自己煮嘢食，但係Apartment非常之少~~~
重有就係呢幾日Check天氣發覺我哋去個時Ｄ溫度得返幾度，嘩~~真係幾凍下喎，又要攞多Ｄ衫去啦























































0 Home >
Airport		 　
1 HK > Dubai >
Prague > Karlovy Vary 		  A.Dalia
2 Karlovy
Vary  > Františkovy Lázně>
Mariánské Lázně > České Budějovice > Český Krumlov		 Penzion
Delanta (Host : Martin)
3 Český
Krumlov		 Penzion
Delanta
4 Český
Krumlov > Linz > Salzburg		 Hotel
Via Roma
5 Salzburg Hotel
Via Roma
6 Salzburg
> Hallstatt		 Landhaus
Osborne
7 Hallstatt Landhaus
Osborne
8 Hallstatt
> Wien		 Hotel
Geblergasse
9 Wien
> Budapest		 spacer

Prater Residence
10 Budapest  spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer

Prater Residence
11 Budapest
> Bratislava > Brno		 spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer

Ben apartment
12 Brno
> Telc		 spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer

Privat No. 40
13 Telc
> Kutna Hora > Prague		 spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer

Hotel
Residence Malá Strana 
14 Prague  spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer,spacer

Hotel Residence Malá Strana 
15 Prague
市內參觀		 Hotel Residence Malá
Strana 
16 Prague
> HKG		 　
17 HK
> Home
張貼者： 於 沒有留言:
標籤：
訂閱： 文章 (Atom)