2012 巴爾幹半島自駕之旅 Day 9 (8)

今日嘅行程其實都幾 Hae 下，但…..今日天氣就唔係好好喇…
朝早去個個露天廣場，其實係一個街市來嘅….
有菜有肉同生果買….
之後就驅車去 Trogir 到睇一個世界文化遺產嘅教堂
車程都係大約半個鐘到….去到就開始落雨
個Church 我哋無入去睇，因為我哋其實對Ｄ入面嘅嘢係無咩興趣
睇完就走人，返去 Split ，個天都重係落緊雨
去到 Split 附近有個商場，我哋入去睇下有咩嘢買，同埋睇下有無嘢食
係佢哋嘅一個 HyperMarket (我諗勁過 Super 呱…) 到買咗今晚嘅嘢食
之後就返去 Apartment ，雨重落大咗…..
如果唔落雨其實可以去古城附近行下..
不過無得行，係 Apartment 到 Hae 下同埋睇下聽日去波黑Ｄ嘢都得…

今日真係幾 Hae….

2012 巴爾幹半島自駕之旅 Day 8 (7)

今日嘅行程係去 Sibenki 區嘅 Krka National Park，不過其實都係睇天氣做人，因為天氣預報話唔好天…
好在去到又好好天喎..由Zadar 去 Sibenki 車程個半鐘到，我哋去到就差不多十點…
之前都以為呢個Park無咩嘢睇，原來Ｄ Fall 都幾靚個喎…又行得幾舒服，行下行下就行完…
然後就驅車去 Split ，去到先知道自己Book咗個無停車場嘅 Apartment ，好在個 Owner 又好熱心幫我搵Ｄ免費位喎…
Split 除咗近古城範圍基本上可以周街泊…GOOD…
間 Apartment 就係古城對面好近，又幾靚仔真係幾好…Ｄ 雪糕又幾好味喎..
晚餐搵唔到嘢食，自己煮下嘢食…
夜晚又去咗去行下古城….其實我哋去旅行好少夜晚出去..

2012 巴爾幹半島自駕之旅 Day 7 (6)

今日行程唔係好趕，所以我哋就差不多成十點先由Irinovac去Zadar，好在尋日去咗十六湖 ，因為今日天氣無尋日咁靚…
去Zadar其實得個古城睇下嘢，所以都係Hae住去，去到Zadar見都有個幾大嘅Shopping Mall，叫SuperNova，
見又差不多食Lunch時間就入去睇下，入面到幾多名店…食嘢只得一間食Pizza嘅..
食完嘢行完就去Apartment Checkin..呢間Apartment都幾靚仔…
之後就去咗古城行咗陣，去Supermarket買Ｄ晚餐嘢食就返去Apartment Hae…
終於見到有其他種類嘅生果，就係桃駁梨…上次係德國食都覺得幾正，呢到都差不多..甜..有味..不過就幾貴下..

2012 巴爾幹半島自駕之旅 Day 6 (5)

今日要由 Rovinj 去 十六湖國家公園，車程要三個半鐘先到，所以就要一早六點鐘就出發啦….今日天氣重要幾好添，真係天宮造美啦…
去到
十六湖國家公園 已經 9:30 喇，我哋選擇咗係一號閘個邊開始行~~
雖然天氣好，但係其實都幾凍下…開始時都已經見到有Ｄ團係到，重要係日本團、泰國團，行行下又聽到有人講廣東話…
十六湖國家公園 都幾好行…比預計嘅行得快好多~~~我哋揀咗行 C ，基本嘅位置都睇晒…行咗差不多5個鐘…
去到食飯時間見唔到燒雞個個位置，好在準備咗午餐，我懷疑我哋行得快得濟….可能11點都已經去到 P2 個個位..
十六湖國家公園 其實景色都幾靚…但係湖入面嘅色係無強國嘅九寨溝咁靚…

行完就返去 Apartment ，我哋 Book 咗係Irinovac個區嘅住，其實都幾近…
但係呢到間Supermarket買嘅嘢非常之少..最後我哋係出咗去食
個海鮮意大利飯好咸，個 Pizza 好大個….飲咗 0 % 酒精嘅 Beer..

Apartment 到有隻狗狗好熱情…瞓咗係我哋間屋個門口到…

2012 巴爾幹半島自駕之旅 Day 5 (4)

今日嘅主要行程就係要去Supermarket買嘢同埋去Fresh Market到買青口….
因為今日重係呢到嘅假期，所以Ｄ Supermarket 係開半日嘅..如果朝早唔買就無得買…
Fresh Market 亦都係開半日…
去完Supermarket入貨….入咗幾多嘢下，因為買埋聽日嘅嘢…
去咗近海邊嘅 Fresh Market 搵到青口，Kn$25/kg..即係HK$40/kg，都幾抵…

買完Ｄ嘢就放返 Apartment…之後就去 Pula 到睇個 Amfiteater ，睇完想搵嘢食，但係搵唔到..
之後就返返 Apartment 到 Hae…..

夜晚煮青口食…嘩~~新鮮嘅真係幾好食，不過就唔係好大隻…個次係Tasmania食個Ｄ真係好大隻…
聽日就去十六湖國家公園，要早出發…..所以就早訓啦…

2012 巴爾幹半島自駕之旅 Day 4 (3)

今日就要離開Slovenia啦..朝早起身都覺得好凍 !! 食完早餐就準備出發，去 Postojnska Jama，今日得4度，好凍….去到Postojnska Jama就只係淨返2.5度，個鐘乳洞重暖過出面….呢個
鐘乳洞係全世界最大嘅
鐘乳洞….我哋都去過唔少
鐘乳洞，呢一個真係好大，重幾靚…入去同出返來都要搭火車….
睇呢個
鐘乳洞 見到有Ｄ香港團….
睇完
鐘乳洞就睇個洞螈展覽館，其實可以唔洗睇嘅，因為係
鐘乳洞最後個到會有得睇，不過就好細條….呢個展覽館重搭埋個蝴蝶館..不過無嘢睇嘅 !!
睇完就驅車去睇個城堡，呢個城堡係起係山入面，都幾特別…如果唔落雨都幾好..
之後就驅車去 Piran ，但係佢市中心係唔俾其他人泊車，只可以俾居民泊….要泊就泊到老遠，我哋都係想影下相啫..咁咪走人囉…

本來今日打算會去睇鹽田，不過因為時間唔早，所以就無去到…

返去Croatia 過關都幾容易….去到 Rovinj 天氣放睛…好耐無見過太陽啦，不過其實都係得9度…都幾凍
去到 Apartment 話今日同聽日係假期，Supermarket 下午二點就閂門…OMG…咁我哋唯有出去搵食啦..
Apartment 到有單車踩，我哋就踩出去Town Centre ，見到好多遊客，風景重幾靚下…

順便睇下今晚食咩….又順道睇下附近有無地方買青口…
睇咗個教堂…不過好大風…又搵下 Cannon 個廣告係邊到影….

之後食咗個Dinner 就返去 Apartment 休息….