2009 澳門之旅 - 澳門三元弼品專家

係澳門十月初五街有好多食店，呢間粥店嘅金銀丸粥就出名啦…

幾十蚊就有交易，重要Ｄ丸唔係細粒個喎…粒粒都幾大下，食落口好有質感

 

三元弼品專家 - 就係十月初五街到

 

金銀丸粥 - 粒粒都幾大下，食落口好有質感

 

紫疆皮蛋…Ｄ紫疆比較老咗Ｄ

 

2009 澳門之旅 - 澳門陶陶居雞煲翅

係澳門食翅其實都幾多選擇，呢一間係其中一間，無論係本地人或者遊客係星期五、六、日都會好多人去。所以基本如果唔想等的話，就要打電話訂位。呢一間酒樓除咗食翅之外，其餘嘅餸菜都整得幾出色，各位有機會不妨一試 !!

每逢週末都有好多本地人或者遊客來試呢間嘅食品，所以門外都好多人等位

附近有個景點~~~係由當舖改建而成

係附近有一當好出名食牛什嘅車仔檔，本來想叫Ｄ來食，但係太多人啦…..

古法雞煲翅~~~

Ｄ翅都幾粗下，食落都有口感

個湯都唔錯，成碗飲晒 !!

南乳生炒蓮藕片 - 一個簡單嘅菜式，但係就整得好好味

紅燒豆腐煲 - Ｄ豆腐好好食，唔知係邊到整嘅呢………

豆豉鯪魚炒油麥菜 - 又係一個幾好食嘅菜色~~~~

金勾土魷啄肉餅 - 食呢一餸好大鍋，因為會食好多飯 !!

黑豚肉蒸茄子 - 整得好好食，Ｄ茄子唔油

整體嘅餸都整得好好味，值得一試 !!

酒家資料 :

地址 : 澳門新馬路爐石塘巷6-8號地下 (近新馬路)

電話 : (853)2857 2629

2009 澳門之旅 - 澳門16浦索菲特酒店

係5月最後個星期去咗澳門玩咗3日兩夜..其實都係得2日到。呢一次去澳門都係飲飲食食，玩下咁….

今次係澳門住嘅酒店係舊年先落成嘅16浦索菲特酒店，16浦係葡語來講係指碼頭咁解，呢間酒店位置係舊時嘅16號碼頭位置，家下就起咗間五星級嘅酒店喇….

去酒店架車要行過條隧道先得，都幾唔方便，不過可能澳門太多酒店啦，邊有咁多地方泊車呀…..

酒店大堂

酒店房間，都幾靚~~~

呢一間房嘅廁所超大 !!

可惜無得免費上網~~~~

酒店用嘅沖涼鹼液、洗頭同護髮素都係 L’Occitane  …貴嘢…正 !!

酒店大門

附近環境都幾好，鄰近就係十月初五街，有好多嘢食 !!

呢Ｄ咁嘅建築，影友見到會好開心呢….

係Ｄ街頭巷尾都會有Ｄ食檔

 

住呢間16浦索菲特酒店，每間房會送MOP$100餐飲卷同埋MOP$300泥碼(泥碼係要係賭場到用，唔可以當現金洗，所以要變返做現金碼的話就要賭一鋪…好運嘅就會有HK$300架啦….)

佐敦新斗記

上個月同屋企人慶祝生日去咗佐敦新斗記食個晚餐，係網上面睇過下Ｄ資料，真係好壞參半，但係有一樣嘢就係要打電話去訂位先有得食 ! 但係個電話一係唔通一係就長響無人聽，真係少Ｄ恆心都去唔到唔到呢一間酒家食嘢 !

我哋夜晚7點去到已經差不多成間舖坐滿人咁濟，好在訂咗枱啫….我哋都係點Ｄ招牌菜食…

餐牌….好似同我係網上面其他網友影嘅有Ｄ分別，唔知係唔係近母親節嘅關係呢!!

燒乳豬 - 都幾好味，香脆可口，但係有同枱人話咸咗Ｄ…..有水準

燒鴨 - 比較咸咗Ｄ，重有就係有Ｄ穌味~~~可以話係一般貨色 !

煎蠔餅 - 好味，一陣就俾人食晒 ! 但係蠔仔嘅份量唔係好多~~~

啫啫魚頭煲 - 呢一個真係估唔到佢原來係將Ｄ魚頭全炸，所以有部份人唔鍾意食，同埋好少肉，食兩食就食晒，唔抵 ! 不過都幾香口~~~~

琵琶豆腐 - 幾好食，但係又係咸咗Ｄ…唔知係唔係個廚師唔開心呢 ?!

芥蘭炒牛肉 - 呢一個簡單嘅餸原來都幾好味喎….味道啱啱好 !

生炒排骨 - 味道唔錯，但係份量就少咗Ｄ….

蒜蓉炒?菜 (唔記得呢個係咩菜)

重有個粥

蟹蒸飯 - 好好味…..不過蟹嘅份量就少Ｄ….

總括來講整體都可以，但係唔知點解我哋個日食幾個餸都偏咸，係咪個廚師個日落鹽比較重手咗呢 ? 重有其實呢一間酒家食嘅嘢都幾貴，不過都可以一試 !!

酒家資料 :

地址 :佐敦長樂街18號18號廣場地下及1樓

電話 : 2388 6020