2008 紐西蘭北島遊記第十日

Day 10 - 5/11/2008

 

Seaspray Motel@Thames à Whangarei à Paihia à i-site@Paihia à Haruru Falls à Te Waimate Mission Station à Makana Boutique Chocolate Factory à KeriKeri Mission House à Stone Store à Rewa’s Village à Haruru Falls à Ash Grove Motel@Haruru Falls

住宿 : Ash Grove Motel@Haruru Falls

今朝因為要去 Paihia ，所以要比平時早多一個鐘出發，但係因為Ｄ麵包發霉(包麵包帶咗成十日架啦!)，所以要去超市到買麵包，不過要到八點鐘先開門。重有就係好在間 Motel 幫我哋 Charge 部 Digital Wallet 咋，所以就可以抄Ｄ相去部 Wallet 到 ! 我哋差不多8點鐘去到間超市，等咗一陣佢哋就開門啦~~

入去買咗一條麵包之後就返車到整個三文治早餐食，食完就出發去 Paihia 喇 ! 係大約1點鍾到到咗一個叫 Whangarei 嘅市，因為到成1點，所以就諗住係呢個市到食完個 Lunch ，然後先繼續前進。點知呢個市到幾大下，兜來兜去到搵唔到Ｄ食肆，兜咗成半個鍾先搵到間肯德基

食咗個包餐就繼續向 Paihia 出發，大約2點鍾到就到咗Paihia，第一時間就去 i-site@Paihia 到搵下資料先。跟住就係個市入面兜下睇下有Ｄ咩係呢個市，同埋要搵下有無超市。呢個Paihia 其實都幾細下，個 Feel有Ｄ似香港Ｄ離島，但係兜咗好耐只係見到一間規模好細嘅超市

於是就去搵間Ash Grove Motel@Haruru Falls睇下有無得 Check in 先…途中見到有間超市，比起頭先個間大好多….去到間Ash Grove Motel@Haruru Falls，開頭個外型到唔係咁吸引….入去到間房簡直就係話一聲啦 ! 間房真係好靚，重要好大間添呀~~~

間房可以行出去一個花園到，呢個 Motel重有個泳池好鬼死靚架 !

房入面嘅設備都唔錯~~~~係間房都影咗唔少相 ! 整好晒Ｄ行李之後，就去附近嘅一個景點都睇下喇。之後就去到Haruru Falls，呢一條瀑布遠睇佢覺得唔係好大，但係走緊Ｄ睇又真係幾大下喎….

睇完之後就去咗一個要做 Stone Store嘅地方，但係揸揸下見都有一個叫 Te Waimate Mission Station，所以就揸過去睇下喇 ! 呢個Te Waimate Mission Station其實同KeriKeri Mission House & Stone Store差不多同一個時期出現，亦都係係紐西蘭第二間最舊嘅建築物。呢間Te Waimate Mission Station係一間英式建築風格嘅屋，開頭以為係可以免費參觀添~~~原來係要俾錢架 !

因為我哋一入去就一個人都無，咁係行下囉 ! 點知行行下就有個女士行出來問我哋洗唔洗佢解釋下屋入面Ｄ嘢，我哋話唔洗喇~~~之後佢就同我哋講要俾錢先至可以入去參觀，重要係 $7.5一個人呀~~~嘩~~~都幾貴喎~~~於是我哋就係外面影相就算啦 ! 跟住就繼續向Stone Store前進，係去呢個KeriKeri Mission House之前，我哋去睇咗一間Chocolate製造廠，Makana Boutique Chocolate Factory，係入面有得試食下佢哋Ｄ手製Chocalate，重可以睇到佢哋點整~~~ＤChocolate都幾好味，不過我哋最後都係無幫襯 !

之後去到嘅時候就見到原來KeriKeri Mission House 同埋 Stone Store就係隔離架咋 ! 呢個KeriKeri Mission House 同埋 Stone Store都係要俾錢先至可以入去參觀，就我哋見都其實好多人行埋去見到話要收錢就會走人，因為價錢真係唔平，兩個人嘅入場費可以食餐豐富晚餐架啦 !

不過其實我哋對呢兩間屋仔嘅外觀有興趣多Ｄ…睇完呢個係去搵一個叫Rewa’s Village，又係兜來兜去到搵唔到，睇地圖就係KeriKeri Mission House 同埋 Stone Store附近，最後都搵到，原來係個山坡上面，原先就係KeriKeri Mission House 同埋 Stone Store附近嘅一條橋過去就到，不過條橋就塌咗….入面又係無人，呢個地方都係要俾入場費，但係就少好多只要 $2.5 重要係自願性質嘅，入面有幾間草屋，同一般嘅山區森林住嘅屋無咩大分別，所以覺得好普通。

睇完就去咗 KeriKeri入面嘅超市都買咗Ｄ食物準備今晚嘅晚餐~~~~

2008 紐西蘭北島遊記第九日

Day 9 - 4/11/2008

 

Rotorua (1) à Hells Gate à Comvita Visitor Centre@TE PUKE à Tauranga à Lunch@Tairua Subway à Hot Water Beach à Cathedral Cove à Thames à Seaspray Motel@Thames à Thames City Centre àPAK’nSAVE Super Market@Thames à Seaspray Motel@Thames

 

住宿 : Seaspray Motel@Thames

今日嘅車程比較長，要去The Coromandel個邊，所以就要早早出發。首先我哋就去睇下呢個Hells Gate嘅景點，呢一個Hells Gate其實同前一日睇過嘅Wai-O-Tapu Thermal Wonderland & Te Puia都係同一樣嘅嘢，所以都係係門口影張相留念~~~

之後係地圖到發現有呢呢個 Comvita Visitor Centre@TE PUKE ，所以我哋就去睇睇喇，還掂都係順路之嗎 ! 另外就係因為我哋都有食開呢一隻嘅產品，諗住會平Ｄ添~~不過個價錢就同街買一樣，有Ｄ地方重平過佢添呀 !

但係呢個 Visitor Centre就有另外Ｄ嘢睇，譬如俾你睇下Ｄ蜜糖係點採返來喇、佢哋Ｄ Product 有無用啦~~不過我哋無興趣呢 ! 淨係買咗Ｄ嘢就走人繼續旅程~~之後就去到一個叫 Tauranga 嘅市，呢個地方都幾大，但唔知點街兜咗入去，兜咗成半個鐘先出返去大路咋 ! 大約1點鐘就去到一個叫 Tairua 嘅市，於是我哋就係呢到食埋個 Lunch@Tairua Subway 喇 !

食完就繼續前進啦~~~沿途都無咩特別，可能都見慣咗，都係Ｄ一大片樹林，好多羊、牛咁囉 ! 大約2點鐘就到咗 Hot Water Beach ，去到時都有Ｄ人係到行來行去。去行呢個Hot Water Beach最好就係除鞋行，如果唔係就會成腳都係沙啦~~~呢個Hot Water Beach唔係成個沙灘都會有熱水，係只有其中一個位置先有，而呢個位置係因為係近岸嘅地下入面有Ｄ地下熱水滲出來，所以先會有呢個Hot Water Beach之名~~~我哋去到個個位置係咁搵但係都搵唔到有熱嘅地方，後來返到香港先知道原來要等到潮退嘅時候先至會試到有熱水係個沙灘到湧出來，不過我哋個日要等潮退的話就會好夜先走架啦 !

之後我哋就去另外一個景點就係 Cathedral Cove

開頭行去個入口到睇下Ｄ資料，話要成個半鐘先可以去個呢個洞到~~個時已經差不多成3點鐘，因為去我哋住個個地方都要成2個鐘嘅車程，所以我哋唯有放棄啦 ! 之後就大約4點幾就到咗 Thames，原先以為Book 個間 Motel 係個市中心附近，原來都重要多成15分鐘路途先到 !

間Motel原來係海邊到，如果天氣好又無咁大風的話，個View會好正 ! 安頓好晒Ｄ行裝之後就去返Thames市到睇下有無咩可以食，最後都係要係超市到買嘢返Motel到食~~~

2008 紐西蘭北島遊記第八日

Day 8 - 3/11/2008

 

Napier à Wairakei Terraces à Thermal Volcanic Walk à Wai-O-Tapu Thermal Wonderland à Te Puia à Rotorua i-site visitors center à Rotorua (1) à Rotorua City Visit à Lunch@Burger King à Ventura Inn & Suite à Rotorua Museum à Blue Bath Pool à Polynesian Spa à Ventura Inn & Suite à  Paradise Valley Spring Wildlife Park à Skyline Skyrides à Kiwi Encounter@Rainbow Springs à Lake Rotorua à PAK’nSAVE Super Market àVentura Inn & Suite

 

住宿 : Ventura Inn & Suite

 

今日嘅行程比較多景點，所以就要早出發。晨早食完個美味早餐之後，就要攪個Digital Wallet，因為唔知做咩Charge唔到電，所以抄唔到相入去Backup，如果真係抄唔到，都幾大鍋 ! 好在係間 Motel 到用電腦直接Charge電，抄咗1GB嘅相，如果唔係都唔知點攪呢~~~之後都攪到遲咗出發，今日嘅目的地係 Rotorua ，會途經幾個景點。第一個係 Lake Taupo，不過就無咩特別嘢睇 !

然後我哋就向 Wai-O-Tapu Thermal Wonderland 出發，途經一個叫 Wairakei Terraces 嘅景點，呢個係介紹一Ｄ 毛利族人嘅地方，會有Ｄ 毛利族 Show 睇，但係我哋就對呢Ｄ毛利族無咩特別興趣，同埋就要趕時間，所以都係影下相就走人~~~

行行下又見到一個叫Thermal Volcanic Walk嘅地方，諗住會有Ｄ 火山嘢睇下喎，咪揸架車入去睇下囉…入去條路好似玩Rally 咁 ! 去到最後又係咩都無，淨係見到有個 Holiday Park 同埋幾間屋仔~~但係就見到一隻孔雀係到開屏喎，真係幾靚喎 ! 人哋話見孔雀開會好好運架，唔知係唔係嘅呢 !?

孔雀開屏…..見都就會帶來好運喇….

之後就要繼續行程喇，去到個 Wai-O-Tapu Thermal Wonderland 大約10點鐘到，我哋就即刻走去買入場卷去睇個 Lady Knox Geyser喇，因為係10點15分就會有個噴泉噴Ｄ溫泉水出來，好在我哋係佢未噴之前就到咗，不過去到嘅時候都已經有好多人係到等緊個噴泉噴嘢 ! 到咗差不多10點15分左右個噴泉就好似煲水水滾咁有Ｄ水湧出來，之後無耐就噴Ｄ泉水出來啦~~~真係幾神奇 !

開頭好似煲水咁係咁係到滾滾下架….

差不多時間就噴出來啦….全場一齊 “嘩 !”

睇完噴泉就去睇係Ｄ Mud ，因為呢個入場卷就包埋入去睇下Ｄ火山泥，又唔同嘅物質嘅火山泥就會有唔同嘅顏色嘅泥，呢個景點都行咗成個半鐘先行完，期間又聽到有Ｄ人講廣東話，我哋估有機會都係香港人來~~~~之後我哋重係個 Gift Shop到買咗Ｄ嘢添啊 !

 

 

 

跟住我哋就向 Rotorua出發，經過一個叫 Te Puia 嘅景點，呢個景點又係有Ｄ噴泉同埋一Ｄ火山泥睇~~~但係入面個噴泉就係不停咁係到噴，呢個Te Puia嘅入場費要成$40一個人架，其實入面Ｄ嘢同先前個Wai-O-Tapu Thermal Wonderland差不多，如果要二選一的話，可以揀呢一個去睇 ! 呢個Te Puia入面原來重有得睇Kiwi 奇異鳥，俾我哋睇到有一隻 Kiwi 係到行來行去 ! Kiwi係夜間活動嘅動物，所以入面嘅環境模擬到好似夜晚咁。本來我哋諗住去到 Auckland Zoo到睇呢隻 Kiwi ，不過呢到有得睇就可以慳返啦~~~係入面有3個泉眼不停咁噴水，要行過呢個位再去睇其他嘢就會濕身，所以要揀無咩風嘅時間衝過去 ! 睇完又繼續向Rotorua出發，去到Rotorua，我哋又去當地嘅 Rotorua i-site visitors center 到睇下有無Ｄ咩資料可以攞來睇下。然後我哋就去咗食個 Burger King ，食完個Lunch，我哋就去搵下今晚住嘅地方，都幾容易就搵到 ! 跟住就去睇下個Rotorua Museum，去到嘅時候間Museum嘅外圍做緊維修，攪到個 Outlook 無咁靚添，本來想入去參觀下，點知又係要俾入場費，個入場費重要唔平添，於是我哋梗係影相算啦 ! 係個 Museum 附近，重有一個景點就係 Blue Bath Pool，呢個其實係一個公眾嘅泳池，但係就係地下暖水嘅泳池，都幾特別 ! 途經一個叫 Polynesian Spa嘅地方，呢個Polynesian Spa係幫人做下Spa，個價錢其實都可以接受，不過就要真係有時間先得，入一入去我諗都要成半日先得~~~之後我哋就去間 Inn 到 Check in 同埋睇下有無得煮食 !! 呢一間真係一間 Inn 來架，形式好似 Hotel ，所以係無得煮嘢食嘅，咁我哋又要諗下今晚嘅晚餐點喇~~~跟住我哋就去搭纜車啦，呢個地方叫Skyline Skyrides，搭上去可以睇晒成個 Rotorua 市嘅風景，但係我哋就行錯咗路，去咗另外一個地方叫 Paradise Valley Spring Wildlife Park，呢個地方其實都係一Ｄ動物園，不過我哋就無咩興趣~~但係來到梗係影張相留念下啦 ! 最後我哋都去到個 Skyline Skyrides個，不過都成4點幾，所以就要快Ｄ去睇，因為好快就會閂門架啦 ! 根據Ｄ資料，原來好多嘢都加咗價，大部份嘅旅遊景點入場費都加咗10-20%，呢一個Skyline Skyrides都唔例外。我哋就買咗個套票，包來回纜車同玩3次叫 Luge 嘅滑行車，呢個 Luge 都幾好玩 ! 係架纜車到睇 Rotorua 市同埋Lake Rotorua嘅風景都幾靚，上到去呢個頂點其實睇完個Rotorua 市嘅風景就無嘢做，所以就即刻可以玩呢個 Luge ，我哋玩到最後一次先知原來有三條唔同嘅路行，於是就買多一次飛玩埋玩淨個條路，最好玩嘅就係 Advance 個一條，有一段成架車會飛起咗上來，好正呢 ! 玩完都差不多成六點鐘，之後我哋就順便去埋隔離個個 Kiwi Encounter@Rainbow Springs，呢個地方主要係一個Kiwi鳥保護中心，影相留念。然後我哋就去睇下個 Lake Rotorua，不過就好鬼死大風，又無Lake Taupo咁靚~~但係係去睇呢個Lake Rotorua嘅途中，就咁係街邊一個坑渠蓋都見都有Ｄ煙冒出來，可想而知呢一個 Rotorua 地下有好多熱水流動緊 !! 之後我哋就去超市到睇下今晚食Ｄ咩啦~~好在有Ｄ煮好咗嘅嘢食啫 ! 買完就返 Inn 開餐喇~~~

2008 紐西蘭北島遊記第七日

Day 7 - 2/11/2008

 

Napier à Bluff Hill Lookout à Contennial Gradens – The Quarry à Napier Prison à i-site à  Opossum World à Hawke’s Bay Museum à Marineland à Taupo à Lake Taupo à Huka Falls à The Honey Hive Taupo à Huka Prawn Park à Huka Falls Jet Visit à Taupo City Visit à Chelmswood Motel

 

住宿 : Chelmswood Motel

 

因為尋日來到 Napier 嘅時候，好多景點都閂門，所以今日又要早Ｄ出發去睇下Ｄ景點啦 ! 第1個景點就去咗一個叫 Bluff Hill Lookout 嘅地方

呢個點位於一個山上，可以睇到成個 Napier 市，睇完重途經一個公園 Contennial Gradens – The Quarry

入面有條瀑布幾靚下，睇完發覺有個牌寫住有間Napier舊監獄，於是就去搵搵喇~~呢間Napier舊監獄家下已經改建成一間 Backpackers，如果要入去睇呢，就要 Join 佢哋嘅一個 Tour 先可以入去睇~~~但係要成 $15 喎~~真係幾貴下喎，所以我哋都係係門口到睇下算啦~~~

然後我哋就去咗個Opossum World負鼠世界嘅地方睇嘢，呢個負鼠世界其實係一個精品店，主要係買有關負鼠嘅產品同埋介紹一下負鼠。

 

下一個地點就係去 Hawke’s Bay Museum 喇，去到嘅時候唔知點計無開門，開頭以為佢哋休息添 (因為今日係星期日) !

 

後來行返去正門，佢哋先啱啱開門，原來佢哋10點鐘先開門嘅，入面主要係講下呢一區 Hawke’s Bay嘅歷史，原來呢個Hawke’s Bay都有過地震個喎….個損毀都幾嚴重下添呀 ! 睇完就返去攞車，咁啱係泊車個到有個 Sunday Market ，於是就去睇睇喇~~但係呢~~就無咩特別嘢買囉~~~

 

之後就去睇多次呢個名為 Art Deco City嘅地標喇 ! 再去睇埋個 Marineland ，呢個 Marineland 主要係睇下Ｄ海洋生物、海豚、海龜…我哋就無咩興趣~~所以就影下相算啦 ! 然後就要出發去下一個地區 Taupo ，車程要成差不多成個半鐘先到，重要都有幾多山路行下添呀 !!! 去到 Taupo 嘅時候，係天朗氣清，個 Lake Taupo 係咁嘅環境之下睇落去真係好靚 ! 跟住我哋就去搵下今晚住嘅 Motel 喇，呢間 Motel 都幾容易搵到，沿途好多間都係係個Lake Taupo邊到，但係呢一間就無咁近啦~~~但係個 View 都係望住個 Lake Taupo，都幾正下~~~

由於時間尚早，我哋就去個市中心到睇下。首先就係去呢到個 Taupo i-site visitor center 到，係 i-site 入面攞咗Ｄ資料，期間聽到有Ｄ人講廣東話，我哋諗呢Ｄ應該係香港人來嘅~~~睇來呢個 Taupo 都係一個熱點 ! 之後就去咗 Sub-way 食咗個Lunch，食完就去 Motel Check-in 喇~~~開頭諗住呢個價錢應該係會係會望住山邊嘅房~~~點知我哋間房原來可以望住個Lake Taupo，房出面重要有一大塊草地，個 View 真係好正 ! 安頓好Ｄ嘢我哋就去睇個 Huka Falls，呢個景點都幾接近個市，好快就去到 ! 我哋去到嘅時候，都有好多遊人係到睇呢個 Huka Falls，呢個Huka Falls其實係一條河流形瀑布，係一條水流極急嘅河，Ｄ河水不斷咁向下流動，最後就流到一個湖入面，係入湖之前其實有一條好短嘅瀑布仔，Ｄ水流入去呢個湖嘅時候都幾壯觀。

之後我哋重去咗睇一個 Honey (The Honey Hive Taupo) 嘅地方買咗ＤHoney嘅嘢，又去睇下個Huka Prawn Park釣蝦場~~~呢個釣蝦場其實同香港嘅釣蝦場一樣，就係你可以釣幾多就釣，如果你釣到Ｄ大條嘅蝦重會有賞添啊 !! 不過呢個玩意價錢都唔平，同埋要有好多時間先做到呢~~~~而個釣蝦場就係個Huka Falls Jet隔離，呢個Huka Falls Jet我哋去到嘅時間啱啱有人玩完出來，睇來都幾刺激下，因為要換晒成套衫褲先玩得~~~

本來都考慮下想玩，但係天氣實在係幾凍下，所以最後都係無玩到~~~係呢兩個玩嘢景點嘅隔離有一間地熱發電廠，開頭以為係Ｄ咩工廠添，見到佢不停咁係到冒Ｄ煙出來~~~去完晒呢Ｄ景點之後，就要去買今晚嘅晚餐啦同埋順便再睇睇呢個市，我哋嘅晚餐重要係間房出面嘅大草地到食架，一路食一路睇住個湖同埋日落，真係好正呢~~~~