2011 德國自駕之旅 (50)(Day 10)(20/8/2011)

Residenz und Schatzkammer
der Residenz (皇宮博物館與寶物宮) > Marienplatz(瑪麗恩廣場) > Neues Rathaus(新市政廳)
> Peterskirche(Alter Peter)(老彼得教堂) > Viktualienmarket (食品市場/維多利亞市場)
> Altes Rathaus (舊市政廳) > Frauenkirche(聖母教堂) > Munich International Airport > Hong Kong


好~~離開慕尼黑市中心，向住機場方向去搵下有無Supermarket，因為我哋要將D膠樽退返俾佢哋，搵咗好耐先搵到一間細嘅，有D樽無得退。之後就去入油啦，諗住有時間去下機場個Shopping Center，但係兜來兜去都係搵唔去到呢個Center，咁我哋就唯有放棄啦。去咗機場附近嘅一個市鎮，見到有間超市喎。團友們兩眼又發光啦，因為又可以掃貨同埋退樽喎，最後我哋 都退到成EUR$5架!! 入去行咗一陣大家都滿載而歸~~~

之後就去機場還車，還車前又要入多次油，因為我哋期間都兜咗唔少地方。去到機場，揸入去還車個停車場，架車就咁放低就得~~~架車如果無問題就可以走人，錢就會直接係你嘅信用卡到扣。但係呢，我哋就係想俾Cash喎，之後我就去攪呢個手續啦。排隊都排咗幾耐，然後攪一輪嘢之後就攪掂晒 !!

之後就Check-in啦，好彩我哋D喼無超重啫~~跟住就係機場到買咗D熱狗食~~之後過海關個時無神神又要Check部相機喎~~

係出境個到個Duty Free，我哋又去Shopping啦，大家都買咗D罐頭德國腸仔，係香港買都幾貴架。去到杜拜轉機我哋醒唔起可以入去免費食嘢添~~徙咗….之後返香港個一程機大家都昏迷咗~~~

哈哈哈，終於都完成咗呢個德國之旅啦~~~呢一次成大班人去旅行都幾好玩，不過因為有D團友唔係成日可以攞咁多日假去旅行，所以差不多日日都玩到好盡，攪到返到香港幾日都未適應個時差。但係多人去玩真係好好玩，同埋多D人Share D嘢都幾好~~~

多謝一路收看嘅網友…來緊會有封咗塵嘅土耳其自駕之旅，差不多兩年啦…


 還車前嘅相，去到還車個時又唔記得影喎.. 

Shopping Shoipping 

機場還車中心 

走人喇… 

腸仔包… 

過咗海關又可以Shopping 

飛機餐 

今次買咗唔係好多嘢