咁我哋咪改變行程，去合歡山睇風景，去呢個合歡山原本都要成個鐘架，沿路到幾驚險架，Ｄ路隔離就係懸崖，網落去都幾驚 !! 一路行到有好多車上上落落，重有唔少嘅大車添呀 !! 我哋由二千幾米一路會去到成三千幾米，所以有機會會有高山反應，沿路上山都幾大霧添呀!! 我哋一路上一路都見到有Ｄ人踏單車上去喎，呢班人真係無得頂 !! 揸揸下去到一個停車場我哋以為係未到，原來最高點係揸車唔到，要步行上去嘅，但係我哋點會步行先得架，重有就係有團友唔係好舒服，所以都係影返相就走人啦…但係上面都幾大霧，同埋都幾凍，基本上個個都係唔係好夠衫 !!
行行下見到有個停車場，入面有塊石
我哋嘅最高點
如果要去頂點就要由呢到行上去喇…
成條路都係被大霧包圍住咁
睇完我哋就要去食Lunch，係網上面搵到Ｄ資料話有一間叫清境魯媽媽雲南擺夷料理 ，同埋時間都唔早所以我哋就去呢一間到食啦。呢一間餐廳嘅外表到幾靚仔，入面主要係食雲南菜(點解台灣會食雲南菜嘅??)，所以喇嘢比例多，但係食落就唔係太辣，都可以接受。我哋叫咗個Set，係九餸一湯白飯就任裝嘅餐(NT$2,500有九折)，但係菜式方面團友們就覺得唔係咁得 !! 最好味應該係個湯，因為個個都爭住飲呢~~~食完飯就周圍影下相。
呢間魯媽媽外表都唔似一間食店嘅…但係又好多人去食個喎…
入面Ｄ裝飾都幾靚
上菜啦…呢一個有Ｄ酸辣味
菜牌….咦…唔見到套餐嘅…
呢個幾好味…用Ｄ菜包住Ｄ肉
呢個係當歸雞湯….好味 !!
呢條魚受咗輻射影響(招牌菜)，我哋覺得一般，因為無肉食兼炸得勁得濟..
呢個臘腸同臘肉我覺得幾好食
呢個同香港嘅通菜一樣，味道都Okay嘅
呢個菜又係幾好食
雪菜炒肉絲
路邊的花花好靚呀…
跟住我哋就去最台灣最高嘅7-Eleven到睇下啦，係到影下相，買下Ｄ零食。
沒有留言:
張貼留言