2009 日本東北自駕遊(3)

2009 日本東北自駕遊(3) 25.10.2009

經過一晚嘅休息，諗住遲Ｄ先起身，不過其實都唔係好遲 !! 係日本嘅六點鐘就起身啦(其實係香港嘅五點咋!)，執返Ｄ眼耳口鼻之後就落去食返個美味嘅早餐先 ! 我哋今次選擇SuperHotel做膽嘅其中一個原因就係因為以佢以呢個價錢都有咁嘅早餐食(同東橫Inn差不多，有部份重要平過東橫Inn添呀 !!)

SuperHotel 嘅早餐聲稱係用天然同新鮮嘅材料烹調，不過我就唔理佢用咩料啦，有得好似食Buffet咁有得揀嘢食個喎，雖然款式唔多，但係就好好味喇…重有就係佢哋係早餐時間嘅時間有一部飲品機可以免費俾Ｄ住客飲所提供嘅飲品，通常實有咖啡、重有Ｄ有汽水、粟米湯、奶茶、健康飲品…款式都有好多，最重要係任飲，啱晒我哋啦..

間房望出去嘅景物…(係……無嘢睇嘅…)

睇下有咩食先…基本上實有嘅沙律、魚、麵包之類嘅食物

嗱…自助架，想食幾多就攞幾多..食完就好滿足架 !!

睇下Ｄ麵包都有幾款俾你揀，重要係唔差個喎…

呢一間就係我哋第一晚住嘅酒店啦…

 

食完早餐，我哋就上去房到Hea下，上下網打下機、睇下電視、辦下工，攪下呢樣攪個樣就去到成九點幾喇..於是，我哋就決定九點半正式出發啦…

2009 日本東北自駕遊 2 (終於都可以出發啦..)

2009 日本東北自駕遊(2) 24.10.2009

 

好喇，繼續我哋嘅行程先 ! 咁究竟點樣先開到架車呢 ? 我就不停咁係到按住個”Power”，心諗唔通有機關嘅，要連按幾下先得 ? 試過又唔係喎，型仔車都係瞓咗無醒過喎，點好呢 ? 最多咪去叫返個職員出來整返醒佢囉，亞團友又按下個到按下，都係無反應…正當我哋束手就擒嘅時間，我踩咗個 Brake 一下，我見到個個 “Power” 掣著咗盞橙燈，咦 ! 唔通要踩住來叫醒佢…於是我就按一下個 “Power” 掣…哈哈哈哈…型仔車真係醒返啦 !! 原來個機關就係個 Brake 腳掣，迷底終於都被我解破 (講到自己好勁咁，其實開頭咪又係唔知點算好 !)

好嘢 !! 終於都可以出發喇..正式展開我哋呢個悠長假期啦…我哋今日要由成田機場揸車去栃木県小山市嘅 SuperHotel入住，預計要行大約三個鐘車到喇 ! 其實三個鐘都幾耐下架，係不停喎 ! 我哋差不多成三點先出發，重要我哋係唔會行”有料道路(即係收費道路)”，係行一般道路，因為我覺得行一般道路會多Ｄ嘢睇 !! 重有好多選擇，譬如”推獎(應該係指推薦)、距離優先、時間優先….

睇下呢一個就係我哋今日嘅行程喇..

成田機場揸車(Point A) -> 栃木県小山市SuperHotel (需時大約三個鐘，距離 : 110 km)(Point E)

不過行一般道路都有個唔好處就係會塞車，因為有好多車都會行呢Ｄ道路，同埋速度會比較慢一Ｄ，重有個 GPS 會唔知點解會帶你行埋Ｄ鬼鼠路個喎，明明直行就得..呀 (呢個係之後發覺，因為有Ｄ路行熟咗，見到應該可以直行但佢係到要你行小路)! 佢又無神神要你行另外一條個喎，真係俾佢激死 !!

一路揸架車一路熟習下個操作，因為感覺完全唔同嘅呢 !! 揸揸下見到有間 “Jusco” 喎，都揸咗一段時間，大家都要去方便方便一下架嗎~~~所以就入去行返個卷先啦 !! 重有就係要買返Ｄ零食(團友強烈要求)同埋水。

 

JUSCO 係日本真係周圍都會見到，真係好似香港嘅百X同惠X咁…嘻嘻…見唔見都我哋架型仔車呀…

入面都幾多嘢買架 !! 啱啱到咗日本第一日，見到Ｄ價錢計返香港錢，嘩~~吓~~其實好多嘢都唔係好平個喎 !!

見到係食嘢個到有Ｄ熟食同埋魚生壽司食，本來想買Ｄ壽司過下口癮，但係又驚食得太飽，一陣晚餐食唔落呢 !!

呢一個煎餃子都幾好味…

(Point B) 店舖資料:

イオン成田ＳＣ ジャスコイオン成田店

地址 : 千葉県成田市ウイング土屋２４イオンモール成田

 

Tel. : 0476-23-8300

 

買咗Ｄ好味嘅餃子當然就要就地正法咗佢喇，食完我哋又再次踏上征途喇…一路揸都無咩特別嘢 ! 見行咗個幾鐘，又係時間去停一停抖一抖喇 ! 見到有間便利店，就揸埋去借個方便啦 (係日本好多便利店都有廁所，所以基本上係唔驚無廁所，因為梗有一間係附近 !!)

揸揸下重要落雨添呀~~~

呢間就係我哋方便嘅地方啦..見唔見到有隻貓貓係到望住入面呢 ? 唔知入面係咪有老鼠呢 ?

我行埋去佢就成隻坐咗係到…

唔知貓貓有無人養嘅呢 ?

係便利店入面方便完我哋重買咗Ｄ嘢食添呀(咪又係團友最鍾意嘅零食囉…) !!

店舖資料(Point C)

ファミリーマート つくば上横場店

地址 : 茨城県つくば市上横場２１７２−１４

Tel. : 029-839-5336

小休咗後就繼續行程喇，嘩~~~其實個天個時已經黑晒咁 ! 咦 !都未夠六點個喎，係無錯，日本真係好快天黑…

就差不多到今晚嘅落腳點嘅時候就開始有塞車出現，行行下見到有間迴轉壽司喎，都差不多七點喇 (其實都係香港嘅差不多六點啫)，又見有Ｄ肚餓，好就揸入去停低架車食晚餐喇(呢一間連鎖迴轉壽司真係好抵食，我哋後來係唔同地區都有幫襯過，讚!!)。

嘩吓..入到去同侍應棟起兩隻手指，然後我諗佢叫我哋隨便坐，我哋就求其坐個位啦…呢Ｄ迴轉壽司好處就係自己鍾意食咩就攞咩來食，最攪鬼嘅就係可以係電腦到落Order，然後用運輸帶運俾我哋…

就係呢一間迴轉壽司(個名係最下面個一間)喇…我哋叫佢做青蛙壽司…

就快有嘢食喇…

迴轉壽司，見到咩就攞咩食..唔洗客氣嘅呢

嘩~~飛魚子壽司

三文魚子壽司…唔知點解會加Ｄ薄荷葉落去，不過呢個配搭都唔錯(嘻嘻…扮下食評家先)

呢個係蘿蔔牛肉麵豉湯

海膽壽司 (開頭諗住試下算，因為都係105yen一碟，應該唔會有無質素可言啦，點知就真幾好食架 !!)

三文魚加洋蔥(呢個組合幾攪鬼，但係真係要講句 Mix & Match，出來嘅味道真係幾特別個喎)

帶子壽司(呢個簡直就係我哋主力喇，食咗三大碟呀 ! 香港點有可能用105yen (~HK$9)食到一碟帶子壽司呀，重要好鮮甜個喎!!)

火燄燒三文魚腩壽司(嘩~~呢個又係好好味~~~真係唔知點算，碟碟都話好味，食得幾多呀，救命呀~~~)

呢個唔記得叫咩名堂~~~

三文魚腩壽司(又係好食都不得了~~~)

呢個就係自助叫嘢食嘅落單電腦啦，見到咩想食就揀來食啦..

之後就會用呢個運輸器運到你面前架啦..

三文魚子壽司…(好食到唔停得口!)

 

 

最後我哋食咗13碟壽司，好滿足咁離開呢一間食店 !!

店舖資料(Point D)

かっぱ寿司下館店

地址：

‎ 茨城県筑西市玉戸１００５−１５

Tel. : 0296-26-6855

 

 

 

 

好啦，食飽飽就去酒店啦..個GPS顯示應該會係一個鐘頭之內到，揸揸下又見到幾間店舖嘅商店喎，我哋又走咗入去睇啦。重去埋 UNIQLO睇下，因為家下個匯價比較高，所以係日本嘅UNIQLO買嘢係”唔抵”嘅 !!

 

上返車繼續向酒店出發，但係去到個目的地居然就見唔到間酒店喎 !! 咁唯有再入多次喇，一入就出現咗間 SuperHotel 個名啦，重要都幾近下，揸咗一陣就到咗啦 !!

去到大堂就Check-in啦，我就忘住填嘢，團友就忙住揀嘢，因為每個女性都可以揀Ｄ Mask、洗頭水連護髮素、Eye Mask….好多女性嘅用品，係免費送嘅，每人限攞五件 !! 點解男嘅就無咗….

 

Check-in完就上房啦，同上次係沖繩住個間一樣。呢間 SuperHotel重有溫泉浸架，不過我哋無去浸，因為佢就分時段，男女各用一段時間~~~

 

呢間房其實可以瞓三個人架…

 

我哋沖完涼，睇咗一陣電視就瞓啦…因為聽日嘅車程都唔短 !! 講返睇電視，我哋一去到就報導有個”疑容者”殺咗一個英國嘅女子，然後就整容避開警方嘅追查，事件都發生咗成年架喇，呢一個新聞陪住我哋成個東北之旅，日日都有講呢個人Ｄ嘢。

 

酒店資料(Point E)

スーパーホテル小山

地址：

‎ 栃木県 小山市城山町3-16-10

Tel. : 0285-24-9000

 

講返下架車先，架車揸揸下都幾好揸，性能都幾良好，可以好似中國太空人咁講一句 : 感覺良好 !!

 

 

 

 

 

2009 日本東北自駕遊 1

2009 日本東北自駕遊(1) 24.10.2009

 

好喇，要寫下呢個18日嘅日本東北自駕遊喇，由於本人住係呢個新界大西北嘅地方，班機就係朝早8:35，但係就要成六點幾搭車去機場喇。

一早去到機場點咁多人~~~咦 ! 原來呢一日都好多人去旅行架。

睇下去個時個喼都有成二十幾公斤重呀…

第一次搭西北航空嘅機，所以 Check-in 唔知係點喎，因為早一日已經係網上面做咗 Online Check-in ，所以應該去到機場淨係寄行李。但係就好多人囉，同埋家下好多航空公司都係用咗自助Check-in，即係未Check-in就自己Check-in埋，同埋Print埋張機票出來，然後去寄行李。做咗Online Check-in而又自己係屋企到Print咗張機票嘅，就直接去寄行李。因為我呢就無Print到張機票，所以就要係機場到Print喇。但係就弊家火，有好多人都唔識用呢個自助Check-in，企咗係部機到網住又唔識用，所以有時要醒目唔好跟住Ｄ十下十下嘅人，不過航空公司都有Ｄ職員係到幫手嘅 !! 寄完行李，緊係去醫下個五臟廟先啦~~~平時去旅行都係會食BurgerKing同大家樂，但係就食大快活。嘩~~行埋去見到條人龍真係好長下，好在Ｄ人食完就走，食完就入去海關出景喇。但係去到唔知點解今次無行過咩地方，唔去到候機嘅地方就夠鐘，攪到要奔走去上機 !!

每個機位都有電視機仔睇下架

飛機餐…味道都可以個喎..

係飛機到都無咩做，又係睇下有咩戲睇喇，不過呢個西北航空果然係做外國客多，全部嘅戲都係西片兼無字幕，都睇得幾辛苦，不過又好過無嘢做嘅。係機上面食下小食，過無耐就食返個 Lunch 。因為個早餐都食到幾飽下，所以都無咩點食到Ｄ嘢 !! 好快就到咗成田機場喇，過海關嘅過程都好順利，但係係等行李期間有Ｄ輯毒犬係Ｄ行李帶到巡邏，重有好多人都俾人查行李，唔知係唔係因為先前有香港藝人藏毒嘅關係呢 ?

大家見唔見到神犬拉西呢..

呢一日都有好多旅客去到成田機場…

出到機場就要搵下租車公司個 Counter 喇，轉咗 一兩 個圈都唔見喎，係網上面查過係係入境大堂附近個喎 !! 咁就問下Ｄ機場職員啦，原來係要繼前行先見到 。嘻嘻 ! 張 Print 好嘅確認信俾個職員，佢重問我係唔係租18日，可能真係無咩人會租18日咁長，俾咗錢之後就等佢哋攞架車來~~~係等咗期間買咗支嘢飲。

等咗大約15分鐘到，有個職員就示意話架車到咗，帶我哋去攞車。佢帶我哋行咗出去一個避車處。咦 !! 見到有架好型仔嘅白色車，呢架就係會陪伴我哋18日嘅車啦，就係 Toyota 嘅 Pruis 1.8 混燃車。去到有另外一個職員同我哋一齊Check下架車，同埋講下架車點用，不過其實佢都無咩點講到，可能同我哋溝通唔到呱  !!

呢個就係 Toyota Rent-a-car 嘅 Counter 喇..

呢架就係會陪伴我哋18日嘅戰車啦..外型係咪好靚仔呢..

呢個就係個 GPS System 喇..係個Monitor右下角隔離個圓圈掣就係個”Power"喇...

好喇，放咗行李上車我哋就出發啦。日本嘅 GPS 可以用電話去搵目的地，但係個職員其實無詳細咁講俾我哋知點用，又要摸一排先。開頭入咗電話，嘩~~~又唔識導航喎，原來係按漏咗一下 “Enter” 然後"Guide" 所以就開唔到個導航 !!

好啦，但係架車點用呢 ?? 唔同一般車喎，係混燃車來個喎，係香港都無揸過 !! 無車匙，得個搖控開閂門掣，架車重要得一個 “Power” 掣，究竟開著架車未架 ? 無Engine聲嘅 ! 左攪右攪，我就按一下個 “Power” ，咦 ! 弊 ! 架車熄咗嘅，咁頭先架車咪開著咗囉，但係一Ｄ聲都無喎。點開返架車呢 ? 按個"Power"掣一下先，唔得嘅，無反應喎 !! 架車都係無著到喎…職員又無講點開車喎，淨係講個搖控要放係個"Power"掣附近~~~重有就係佢走咗人喇喎..點算呢 ??

固 執

係網上面見到呢篇報導~~係香港有好多人真係過住呢種生活，值得我哋諗諗

 

固 執

 

一個曾經很漂亮, 很多人追, 有學識, 崇尚自由戀愛的千金小姐…
曾經固執地愛著一個, 後來不愛她的男孩.
給拋棄後沒依靠, 固執地為孩子艱苦活著.
自己和孩子老了, 病了, 仍固執地拒絕別人的幫助.

固執地愛, 固執地捱, 固執地活著, 固執地固執.
婆婆, 妳當初的堅持是固執, 還是堅持?
婆婆, 妳還是會選擇固執地活下去… …

鄧錦婆婆自言年輕當千金小姐時是胖美人，但被丈夫拋棄後，揹6個月大的小兒，拖2歲幾的長子當街乞食，來港後又捱了大半世，如今皮黃骨瘦，原本的大碼衣服早已改成細碼。她躺在醫院病上說：「（我跟兒子）不知誰先死，但至少還可以幫他推輪椅。」（林振東攝）

推著兒子 走過60年坎坷
2009年10月18日 星期日

【明報專訊】元朗洪水橋田心村經常出現一幅平凡但動人的畫面：皮包骨的82歲婆婆吃力地推著輪椅，椅上坐著一名氣若游絲的老人，他不是婆婆的丈夫，而是病重需要洗腎的六旬兒子。15分鐘的路，蹣跚碎步，一推就是1個小時。路上兒子說：「阿媽，你不要推了，我自己爬也可以爬回來。」但村民說，固執的母親從來沒有被兒子或好心人打動過，堅持要自己推著兒子一步一步的走。

帶著兩幼子 逐戶乞食來港

在5日前，輪椅失控，兩代白頭人一起跌落曾經出過人命的水渠。如果兩老不是大難不死，輪椅背後60年的艱苦故事，可能永遠沒人知道：千金小姐愛上窮家小子，在硝煙中拜堂成親，但貪新忘舊的愛郎卻拋棄糟糠，婆婆帶著未戒奶的孩子逐戶乞食，來港在社會底層打滾捱大兩口……

年逾八十，阿婆仍無法放下照顧兒子的母職，但她沒埋怨社會，沒埋怨命運，只希望悄悄與兒子在鄉郊相依終老。就像余華談他的小說《活著》：「生命中其實是沒有幸福或者不幸的，生命只是活著，靜靜地活著，有一絲孤零零的意味。」

「我年輕很漂亮 很多人追」

82歲的鄧錦，在醫院輪椅上自稱來自廣東新會，她說：「父親以前有錢，在香港開三間舖頭，還炒賣鈔票。」但後來政治動盪，軍閥倒台，大疊鈔票成為廢紙，「阿爸說他激到吐血，有個台山來的搭檔更接受不了，瘋了。」鄧婆婆於是隨父親回鄉下，「那時還有些錢，我年輕時生活很好，讀過縣立初中，識字多過很多男人。」老人家笑瞇瞇自誇說：「我年輕很漂亮，學校很多人追，但不想太早結婚，沒理他們。」直至22歲後，崇尚自由戀愛的她看上出身農戶的男孩，國共內戰末期終於嫁人。

在那個吊詭的年代，女子愈識字可能愈惹禍。「老公家窮，靠耕田食飯，我們生了兩個男孩後，他和家人說我嬌生慣養，嫌我光吃不懂耕田，說家裏不需要我，把我趕了出門，他就連自己親兒子也不要。他其實是想娶另一個女人，後來他們還生了幾個孩子。」

被趕出門 夫沒給一分錢

五十年代初，鄧錦被趕出門時才25歲，共產黨剛解放大陸不久，但她父親已死，沒了依靠。「就算阿爸不死，後來也是會被當成地主批鬥的，可能更慘。但他（丈夫）一分錢也沒給我們母子三人，好絕，大兒子2歲多，小兒子才出世6個月。我後面揹一個，手上拉一個，到新會墟市當街乞食，好凄涼。」麵檔、餐館、米舖，昔日的千金小姐為了保住兒子，逐家逐戶問人討吃。

大兒子譚超勤對當時的印象模糊，但他前天坐在元朗鐵皮屋家中，回想起被父親拋棄的事情，雖過了60年，仍忍不住流下眼淚，哽咽說：「當時村裏窮，很難討到吃的。等天熱魚塘曬得很熱，有魚熱到反肚，阿媽就撈上來煮給我們吃。」幸好，有個校長可憐三母子身世，找地方收留了他們，後來鄧錦又改嫁給菲律賓愛國華僑，但新丈夫結婚不久又出洋去了。

在那個反覆無常的年代，身世愈凄涼反而可能愈幸福。鄧錦說，因為自己悲慘的遭遇，階級成分比較「正面」，加上識字，被人推舉做縣裏的婦女會主席。但她不肯，「當時糧食已經不夠，村裏有人從路上走過，餓到無力跌落田。我心想一定要走，帶兒子去香港，當了主席就走不了，我才沒那麼笨！」譚超勤記得母親說，「農民收成時，明明三擔卻說成四擔，誇大虛報，這樣下去很快就會饑荒。到香港不久，大陸果然大躍進餓死人了」。

61歲的譚伯坐在鐵皮屋訴說小時被父親拋棄，長大後想報答母親，但自己又得了重病，反要八旬母親照顧，感嘆說：「我能怎麼辦？」（葉漢華攝）

不停打工消瘦 穿衣大碼變細碼

五十年代，鄧錦帶著兩個兒子從澳門坐船去香港，譚超勤說：「當時我8歲，在中環落船，那天是英女王生日，第一眼最記得是電車。」被嫌棄不懂耕田的鄧錦，開始靠自己養活兒子，紗廠、穿膠花、當家傭，身上的衣服由大碼逐漸捱到變細碼，直到如今剩下皮包骨。「阿媽住在有錢人家，照顧他們的孩子，一去就是幾天，人工一塊錢一天。」她的孩子譚超勤和弟弟卻迫不得已無人照顧，「我們10歲已經自己煮飯吃。繼父後來到香港跟我們一起住，對我們不錯，但幾十年前病死了。」

譚超勤長大後當電工，「30幾歲回鄉下，阿爸託人說想見我，想認我這個兒子，但我不想見他，他當年這樣對我和阿媽，我怎可能原諒他？他做過父親該做的事嗎？我細細個他已經不要我……」

兒50歲患重病 靠綜援過活

譚說，他最想回報母親，「後來我要她退休，不讓她工作，由我來養她，生了兒子阿傑給她照顧」。但命運安排譚超勤重複母親的遭遇。「老婆丟下我和兒子走了，現在也不知道在哪裏。」譚不肯說原因，但從他對兒子的寄望聽得出端倪。「阿傑今年29歲，跟我弟弟一樣要到內地工作，很少能見面，我很想他快點結婚，不生孫給我抱不要緊，不能照顧我也不要緊，但一定要娶個『扯衫尾』的，即使你窮，她也照樣喜歡你的那種，不要學我。」

譚超勤回報母親的日子不長，50歲就患了痛風、糖尿、高血壓，近幾年更有嚴重腎衰竭，完全失去工作能力，母子靠綜援過活，窩居鐵皮屋裏，後來侄兒帶兒子搬過來隔鄰照應，但聲稱為搵食經常沒空不在家。「阿媽老了，但身體比我還好，我站都站不穩，花2000多元買了張輪椅。」這對朽殘的母子相依為命，「我精神好時推阿媽，我不舒服時阿媽推我」。

近月，譚伯病情轉差，常不能走路，家裏的洗腎機已不管用，隔日要到醫院洗腎，82歲的鄧錦又要重拾母職。村民經常見到她推著輪椅上的兒子，腳步細碎，搖搖晃晃，頭顱歪歪地沿小路走出村口搭車到醫院。村民說，阿婆不肯人幫，堅持要親手推兒子，常人15分鐘走完的路，兩母子要折騰1小時。譚超勤說：「她歪著頭推我，是要看路。」村長陳植良說﹕「那條小路旁有條近2米深的水渠，幾個月前有老伯踩單車掉下去死了。阿婆好固執，母愛真是很偉大。」

有心人願送贈電動輪椅

82歲的鄧錦，上周二用輪椅推病重的六旬兒子往醫院洗腎回家途中，兩人雙雙墮水渠受傷。村長說，鄧婆婆跌在一塊大石旁邊，「跌歪一點就沒命了！」（資料圖片）

上周二，譚超勤的輪椅輾到路中雜草，婆婆推著他避開時卻無力控制，輪椅直衝入水渠。「阿媽放手就只是我跌下去，但她不肯放手，就一起跌了下去。」陳村長說，兩人幸好沒有撞中旁邊大石。事件經報道後，感動不少市民，村長也立刻向政府部門申請在水渠旁加建欄杆，譚伯的侄兒說希望有心人捐一張電動輪椅，有讀者翌日就致電本報表示願意幫忙。

田心村長陳植良到鄧婆婆母子墮渠的現場，說：「早前有個阿伯踩單車跌落去，撞死了。」為防再生意外，村長已要求政府部門盡快沿渠修葺欄杆。（覃純健攝）

母子出院後，阿婆腰傷未癒，前日又堅持推兒子去洗腎，兒子不肯，如以往般說：「阿媽，你不要推了，我自己爬也可以爬回來。」但母親卻已傷得不能站起來了。譚超勤艱難地覆診回來後，發現婆婆原來已被再次送院留醫。譚伯說：「阿媽近年經常無端不見了，我就知道她應該是回家途中體力不繼頭暈，自己報警，我去醫院就能找到她。」

勞碌半生的鄧錦躺在病床上聽到有人願捐贈電動輪椅，笑瞇瞇說：「我好中意呀，多謝呀！」但她沒有提什麼金錢要求，年輕時追求自由戀愛的她，老了也喜歡自由生活，希望繼續跟兒子在鄉郊生活，「不想住老人院，我不知道誰先死，無所謂的。但現在我起碼可以照顧自己，也可以照顧兒子。我好了還可以推他。」但老人家又笑瞇瞇說：「現在有人買電動輪椅，又好像不用我了呵？」

明報記者 覃純健