好喇….玩完又刺激又好玩嘅小型賽車之後，我哋就要去食嘢~~~有食嘢…唔係呀嗎 !! 係~~~無錯 !! 去澳門唔食唔去賭場重有咩好做呢 ??? 其實重有好多嘢做嘅~~~
好喇~~~我哋今次係去係氹仔官也街嘅誠昌飯店，其實官也街都幾多食店架，要試真係要又朝試到晚先得 !!
我哋去到誠昌飯店都成1:30p.m.啦…但係都係有咁多人係到等位入去食嘢 !! 不過好在都係等咗十幾分鐘到就可以入去開餐喇~~~
去誠昌飯店有咩好食，咪就係食水蟹粥、豉汁蒸大鱔、炸鯪魚球~~~叫咗三樣嘢食就算啦，因為唔想食咁飽，要留肚試其他嘢架嗎 !! 個水蟹粥都幾好食，豉汁蒸大鱔條大鱔唔知係唔係大Ｄ濟，Ｄ肉唔係好爽，同埋Ｄ味比較淡咗Ｄ !! 都叫做 Okay 啦~~~最後個炸鯪魚球可以話一般啦，但係就外脆內軟，唔油淋淋….整體都幾好 !! 不過埋單到要成六百幾蚊，原來個豉汁蒸大鱔要成差不多三百蚊，因為要成$9一兩，都幾貴 !
之後就去食咗個榴槤雪糕同木糠布丁~~~嘩~~好好食呢 !! 好重榴槤味嘅呢 !!
相信呢一條官也街好多人都知啦…
誠昌飯店 - 你哋睇下都成點半架啦…都咁多人去食嘅 !! 不過有好大部份都係香港人來架 !!
水蟹粥
炸鯪魚球
豉汁蒸大鱔
之後我哋就去咗附近嘅莫義記到食榴槤雪糕同木糠布丁~~~掛住食無影到相~~嘻嘻
沒有留言:
張貼留言