好喇…講返個團先，係大約09:30到等齊晒所有人就出發喇 ! 呢個團可以係羅湖或者皇崗口岸上車，所以我哋上車嘅時候到已經座咗差不多半車人係到。出發就要座差不多成兩個鐘嘅車程，第一個景點就係去食嘢喇，去到嘅時候就差不多成1點鐘。究竟呢個美食之旅，以美食為名嘅旅行團Ｄ嘢食係咪真係咁好味呢 ? 未落車前都有Ｄ期待，因為個導遊係車上面都介紹過下呢一餐係食Ｄ咩，係食燒鵝，導遊小姐介紹有兩種燒鵝，一種係叫平湖燒鵝，另一種….oh…sorry 唔記得叫XX燒鵝。分別係平湖燒鵝係外地人食，XX燒鵝係本地人食。好啦，講下間酒樓嘅環境，都係一般內地酒家咁，無客人嘅時候係咩都唔開嘅，個地下就唔知點解會濕淋淋咁~~~入到去我哋一圍大約10個人到喇 ! 第一到餸就係燒鵝…點知得1/4隻，嘩~~~主力係推介食燒鵝居然得咁少份量，一人得一至兩件到，不過味道就一般啦，個人認為深井個Ｄ好食Ｄ ! 其他餸重有一碟雞同埋魚其他菜總數有九個餸加一個湯，白飯就任你裝 ! 第一餐就覺得麻麻哋，因為覺得係美食團的話，應該係會好好味，呢一餐可以話食得飽囉 !
食午飯嘅地方
平湖燒鵝，份量好少
沒有留言:
張貼留言