2011 塔斯曼尼亞自駕之旅 (9)(Day 3 28/10/2011)

好啦~~影完相就繼續行程喇，見時間尚早就行去睇個Horseshoe Falls，因為見都佢寫住話10分鐘就到，當然係去睇下啦…係行去呢個Horseshoe Falls嘅時候會經過Russell Falls個頂，見到都有好大嘅水不停咁流落去~~

而呢個Horseshoe
Falls就細個好多，但係睇落又唔多似Horseshoe呀?!點解會叫Horseshoe呢?真係幻想唔到但係都有好多水流，都幾靚，影完相就走人。跟住又見到個牌寫行去Tall Trees Walk只係15分鐘，當然又係行埋啦~~~行一陣就到咗，呢到D樹真係好高，同埋好粗~~我諗最粗個棵樹可能要成30個人先至可以圍住!!係個入口個到重教你點樣用一D高度去估計樹木嘅年齡添呀~~要行晒呢個Tall Trees Walk要30分鐘，行下睇下好快就過。係行嘅途中遇到一對外國人，我哋行行就行咗佢哋嘅前面，但係突然唔知係幾時佢哋又出現返係我哋嘅前面，真係幾奇怪~~我哋就懷疑佢哋係兜路行，因為佢哋好似係D研究人員咁，所以要係樹林入面左穿右插…係行呢個Tall Trees Walk你會感到好似置身於一個熱帶雨林咁，有好多唔同嘅動物叫聲，D空氣又好清新~~~個人都特別Relax架…

行完呢個Tall Trees
Walk我哋就行返去Information Center個到，行到出去又差不多係食Lunch嘅時間。我哋就係附近嘅一個亭入面食我哋嘅自製美味三文治Lunch啦~~

其實係呢個Mountain
Field National Park附近有一個農莊架，不過我哋就Book唔到所以就無得住，呢個農莊好似係先前陳奕迅來Tasmania拍旅遊特輯去個個農莊~~

食完我哋就返去Hobart市，都要成個半鍾，見有D時間我哋就去Mountain Wellington到睇下呢個Hobart市嘅全景啦…揸咗個半鐘先到咗Mountain Wellington嘅山腳。然後又揸多大概半個鐘先由山腳上到去山頂!!

一落車D風大到可以將你成個人都可以吹得起咁濟，好在係山頂到有個觀望台嘅地方，可以入去避一避，因為我哋係山腳嘅溫度有成24.5度 ，但係係山頂得返11.5度，重要加上好大風添呀，如果唔係一定好快就會凍親!!

睇完影完相我哋重幫襯埋上面個廁所添，呢個廁所好攪鬼，沖廁係要用手搖幾次先會沖水~~~

2011 塔斯曼尼亞自駕之旅 (8)(Day 3 28/10/2011)

呢個 Russell
Fall其實唔係好長，可以係30分鐘之內就可以KO咗佢，不過若果係要行埋其他部份好似Tall Tree Ciruit同埋 Horseshoe Falls、Lady Barron Falls & Circuit 就要多成個幾兩個鐘先至可以行完~~

我哋淨係行咗1、2同3咋 

 
其實呢個Park可以俾你行一日都得，因為重有一個叫Lake Dobson可以行埋… 
 
亦都可以揸車去睇下都得 

我哋呢D其實就無指定行幾多，見到可以行埋行埋佢囉，都幾志在Hae 住來玩啫~~我哋來到無耐之後都陸續有好多遊人來到睇呢個Russell
Fall，行呢個Russell Fall話就話要10分鐘，但係其實齋行的話我諗唔洗10分鐘就行完，係行去呢個Falls嘅途中，突然見到係Tasmania成日都會出現叫Tasmanis Bettong嘅動物，佢個樣有D似袋鼠，但係size就細好多，動作重要幾快下添喎。一路行都見到唔同嘅植物，當然係佢識我我唔識佢啦，但係佢哋D Size 到真係幾大下架喎…呢個環境有D似熱帶雨林咁 !! 行行下突然見到行我哋前面嘅兩個人鬼鬼鼠鼠咁喎，係到唔知睇咩嘢。咁我哋呢D香港人當然係唔好執輸睇下有咩睇，佢哋兩個人望住附近嘅一條河，攞住部相機唔知想係到影咩嘢喎，雖然未睇到有咩要影，我當然又要準備定部相機隨時睇下有無咩影啦。行到埋去，睇下條河，開頭都唔知有咩睇，再留心D睇下，原來係有一隻鴨嘴獸Platypus係條河到遊緊，重好似發現有人，係到搵緊地方藏身咁!! 用相機影到影唔切呀~~再睇多一陣連影都無埋~~睇完我哋就繼續向呢個 Russell Falls 前進，行到去都有唔少人係到影相，重見到有人用腳架對住條瀑布影相添呀~~~其實今日落下雨都幾好，因為咁條瀑布D水多咗，靚好多，如果係好天可能係會無咁大水添呀~~~正~~不過係呢d環境下都幾難影相，因為d霧水係咁飄埋來，攪到朦查查咁~~

沿途嘅河水都幾清下架 

幾大自然 

睇唔睇到隻鴨嘴獸呢 ? 

呢個就係Russell Fall啦.. 

再見了~~大隻B~~

希望在他方的你生活安好~~一路好走啦….

2011 塔斯曼尼亞自駕之旅 (7)(Day 3 28/10/2011)

好…來到塔斯曼尼亞第二日，起身執返晒D眼耳口鼻之後就要去整早餐喇。之後就落去廚房個雪櫃到攞返我哋D糧食喇(住係呢D Hostel可以將D食物放係個公家雪櫃到，但係記得寫低你住嘅房號同個名同埋住到幾時，唔係就會俾人當垃圾咁掉咗架啦~~)。

 
我哋就係住係6號房啦.. 
 
公家廚房，都幾大下 

 
洗衫房 

因為今日就諗住去Mt Field National Park行山嘅，所以順便要整埋個Lunch，今日整嘅嘢係烚蛋同埋完全唔洗煮嘅三文治~~有ham加煙三文魚再加埋D新鮮嘅蕃茄，最重要就係要加埋個千島醬，飲品就係呢個芒果汁(原來一路都無同呢支芒果汁影過相添)，呢個就係我哋Today Special啦~~

   
整早餐ing…. 

整完早餐就要落去入錶，因為08:30~18:00呢個時段係要收錢，所以就要入返一個鐘先得 !!

食完早餐9: 30 a .m.我哋就出發啦~~
 

由Hobart市去Mt
Field National Park車程差不多要個半鐘，今日個天氣就陰天，去目的地嘅重有落下雨添呀~~

 
Mt Field National Park 
 
呢到當時都幾凍下，可能係因為天陰陰又有霧霧雨嘅關係呱 

我哋大約11:00到咗呢個Mt
Field National Park，去Tasmania嘅National Park係要俾入園費，佢哋攞呢D錢主要用來用返係保育返D郊野公園嘅嘢上面嘅，架車都要俾泊車費，每次係要俾AUG$24(除咗 Cradle Mountain外，唔係唔洗俾，埃唔同價錢啫)~~之後係網上面搜索咗一輪嘅資料，發現咗佢哋National Parks Passes入面有一張叫 Holiday Pass，有效期係8個星期包一架車連8個人嘅收費，而收費只係AUG$60~~即係話我去三個National Park 就已經回本，計下數其實我哋應該會去到三個National Park。咁究竟Tasmania有幾多個 National Park呢? 係有19個嘅，詳細去呢到睇下啦 Tasmania
National Parks。

 
 
AUG$24 Parking Fee  

不過呢張 Pass 係唔包 Tahune
Airwalk (呢個就係呢個一個團體管理嘅)同埋Port Arthur (呢個係Historical Site) 嘅入場費嘅~~(詳情可以睇下佢哋嘅 Frequently Asked Questions)

係 Visitor Center 到買咗張 Pass 個職員重幫我哋整咗D雙面膠紙係張泊車証到，可以將佢直接黐係架車嘅擋風玻璃到~~好啦~~準備好晒D嘢就要出發，我哋嘅第一站就係 Russell Fall~~

2011 塔斯曼尼亞自駕之旅 (6)(Day 2 27/10/2011)

俾完錢就返返去Narrara
Backpackers Hostel到攞返件行李去Hobart Hostel啦，頭先其實都無睇清楚呢一間 Hobart Hostel
嘅環境，呢一間個廚房大過Narrara Backpackers Hostel個間，又有洗衣房啦同埋都係有免費Wifi嘅~~但就係無得泊車~~安頓好咗D行李之後，我哋就休息咗一陣，睇真D間房其實都幾有D監獄風雲Feel…經我哋商議後我哋覺得係要送返D嘢俾頭先個女仔先得，於是就送D士多啤梨俾佢喇!!

我哋架車重泊咗係Narrara
Backpackers Hostel門口到，因為我哋都要出去買今晚嘅晚餐，就返去攞車同埋送D士多啤梨俾個女仔，順便問下佢附近有D咩食，同埋附近邊到有超市。開頭佢都唔要D士多啤梨，但係我就係都要送俾佢，佢誠情難卻下就收咗D士多啤梨，重介紹邊到又嘢食同埋邊到有超市…重有就係我問下佢可唔可以泊架車係佢哋到，佢都話無咩問題，不過就要視乎有無位而定~~

問好晒D嘢，我哋就出發去搵Supermarket啦，係個GPS到篤咗大約位置就揸去睇下，間超市離我哋間Hostel其實都係5分鐘車程內到，第一次搵唔到又兜返轉頭，兜返轉頭又唔見喎…再兜多次先見到咋，呢一間超市都幾大間，係Tasmania有兩間大超市，一間係Woolworths，而另外一間就係Coles，今次我哋係去Woolworths~~

我哋入到去視察下有D咩要買，同埋今晚食D咩嘢~~行咗一輪，買咗D嘢食同埋飲料，重有就係呢幾日嘅早餐食嘅嘢啦，而今晚就唔整嘢食住，就買咗一隻烤雞來做晚餐，再加埋先前摘嘅士多啤梨做飯後甜果~~

買完嘢就揸車返去Hostel到啦，其實呢一間Hostel出面係有D錶位，係星期一至六由09:00~18:00係要俾錢嘅，而之後當然係唔洗俾錢啦，重又就係附近有其他錶位但係收費又唔一樣個喎~~~唔理咁多，返到去Hostel門口咁啱又有個位喎，隨後個幾日我哋都係泊係呢一個位，呢個位好似俾我哋專用咁，哈哈~~~

講返個晚餐隻烤雞先，呢一隻雞其實入面係有D飯，隻雞味道都唔錯，但係呢~~~係無肥肉架，不過佢又唔鞋口個喎…啖啖肉再加埋D飯，兩個人都食唔晒，食完嘢就上下網搵返D景點資料準備聽日嘅行程，之後就沖涼瞓覺 !!

晚餐隻烤雞 

有無D監獄風雲Feel 

呢個廁所好重要呢… 

簡單但已經好正嘅廁所 

2011 塔斯曼尼亞自駕之旅 (5)(Day 2 27/10/2011)

睇完呢個 Richmond區，我哋就直驅去 Hobart 市今晚嘅住宿 Narrara Backpackers
Hostel。沿路去呢個Hobart市嘅路都見到有幾間酒莊係路旁，面積都幾大下添喎，不過我哋首先要去咗Hostel到Checkin先~~~

Hobart市

呢一間 Hostel 我都搵咗幾耐下，又要價錢平(因為我哋要連續處4晚咁多)又要有位泊車，重要位置方便。睇咗好多間先搵咗呢一間，重同館住貓來貓去咗幾次~~最後就Confirm係Hobart住呢架啦…

因為先前係香港已經Set好晒今次所有嘅住入個攪鬼GPS入去，好快就搵到個間Hostel。不過其實佢唔係好顯眼，要好留心先見到~~~入到去得一個人坐係到，重以為佢係負責人，點知原來唔係，個Reception就要成16:00先有人~~原來個館住一早已經將條鎖匙放咗係個郵箱到，好在我哋以為係負責人幫我哋攞出來。

Narrara Backpackers Hostel

Narrara 入面個樣


攞咗匙，我哋就去攞房喇~~~點知一開門，咦~~點解淨係得張床嘅，無廁所嘅~~~大鍋!!! 於是乎就問下個個疑似負責人喇，但係佢話唔清楚呢Ｄ嘢要等真係負責人嘅人返來先問到，重叫我哋自己打電話去問一問喎~~就唯有等個館主返來問清楚啦~~係等嘅期間就周圍睇下間Hostel嘅環境同埋睇下如果真係無有廁所嘅房可唔可以接受到呢~~睇過下廁所同房嘅距離都幾遠下，下下都要走出來都幾麻煩! 呢一間有廚房、洗衣間同埋一個泊到大約3~4架車嘅停車場，如果泊滿咗的話可以泊係Hostel對出門口位置，重有就係有免費Wifi…

睇完就繼續等呀等~~等到差不多成16:30 Reception先有人返，係個女仔來嘅。

於是就將個問題同佢講重問下佢哋有無D有廁所嘅房，但係佢其實係館主個女來嘅，佢都要打電話問下佢亞爸~~經過一輪嘅電話，佢哋係有一間房有廁所，係六人房來嘅，但係4日裡面就有其中兩日已經租咗俾人啦~~~噢 !! 咁點算呢 ?! 今晚咪無有廁所嘅房瞓 !! 之後個個女仔又打電話，原來佢係打俾館住，之後又幫我哋打去問下附近嘅一間 Hostel有無房係有廁所可以俾租俾我哋，又好好彩有一間房可以租俾我哋喎…個間Hostel叫 Hobart Hostel，就係呢間 Narrara Backpackers Hostel行前大約150m到啦~~個女仔就叫我去睇下間Hostel D房先，睇下又無問題~~~

於是我就行去睇下間Hostel同埋睇下D房得唔得啦，去到同個館主聯絡咗，然後就去睇下間房啦，呢一間房係Family Room，基本上可以瞓到5個人，最重要係有廁所嘅~~oh yeah~~解決咗呢個大問題啦，但係其實諗諗下呢一間我先前都係網都搵過下，無Book佢嘅原因係因為無得泊車，咁呢幾日泊車問題點算呢 ? 不過都唔理住先啦，呢一間房租盛惠係AUG$78/night，原先個間就係AUG$60/night，但係都係個句啦，可以搵到真係幾好好彩啦，同埋有一個熱心嘅人幫咗我哋~~呢一次真係出路遇貴人啦，無幫佢哋租房重可以幫我哋搵到間有廁所嘅Hostel住嘅~~

Hostel Reception

Hostel 大廳

Hostel Outlook

2011 塔斯曼尼亞自駕之旅 (4)(Day 2 27/10/2011)

我哋嘅下一個景點就係係 Sorell 附近嘅 Richmond 入面嘅一條橋，叫做 Richmond Bridge(1823)，一條係澳洲最耐歷史嘅橋，重要由囚犯起個喎~~

去到呢個景點其實都係影下相睇下橋咁，又見到有Ｄ人係河邊到野餐，真係幾寫意~~但係其實都幾凍個喎…

影完相見到附近有間教堂，就行去睇下啦~~行近Ｄ睇又幾靚喎，例牌動作，影相啦。搵下Ｄ資料先知原來呢一間叫 St John’s Catholic
Church，係澳洲最耐歷史嘅教堂，建於 1836年。

睇完我哋就要去今晚嘅住宿到 Check in 啦，呢一間住宿我哋一連住四晚咁多~~~